كشفت الفنانة إلهام شاهين اليوم الإثنين في ندوة بالصالون الثقافي الذي يقيمه المهندس عوف همام رئيس مهرجان الإسكندرية للأغنية، عن أسرار في مشوارها الفني.
وجاءت تصريحات إلهام شاهين خلال الندوة، كالتالي:
- خاصمت محمد جلال عبد القوي مؤلف نصف ربيع الآخر فترة وقالي انتي ممثلة خبيثة ولويتي دراع الدور وخليتي الناس تحبك، وأنا فعلاً ممثلة خبيثة، وبعد سنين من الخصام قالي المؤلف هاتفضلي زعلانة أنا هاصالحك هاعملك مسلسل تاني وهتبقي انتى الزوجة اللي هيتاخد منها جوزها وهانشوف الناس هاتحب الشخصية ولا لأ وكان مسلسل قصة الأمس، ورغم أني كنت زوجة طماعة لكن برده الجمهور أحب الشخصية ومكرهاش".
- جمعت أخواتي وبلغتهم بوصيتي واجبة التنفيذ أنا عملت كده لأن بابا كان محتاج تغيير كبد ومات قبل ما يلحق وماما خافت أني اتبرعله بجزء مني واتوفى وعمره 64 سنة.
- فيلم حظر تجول كان مختلفا وجديدا وقدمت 26 مسرحية وحوالي 50 مسلسلاً آخرها مسلسل بطلوع الروح وطلع روحي فعلاً لأنه متعب جسديًا ونفسيًا، قدمت فيه شخصية زعيمة لداعش مع المخرجة الرائعة كاملة أبو ذكرى وفرحانة أنها هاتتكرم في مهرجان القاهرة".
- "تزوجت مرتين وفشلت، ولقيت الزواج هيعطلني زوج يقولي ماتشتغليش مسرح بترجعي الفجر وزوج يقولي ما تسافريش مهرجان ده أهميته إيه فحسيت إني هعطل نفسي وأعطل مشواري الفني".
- أسرتي رفضت تبرعي بأعضائي السليمة بعد وفاتي وقالولي لحظة موتك هاتكون صعبة صعبة جدًا هنستني يفصصوكي والبواقي ناخدها ندفنها".
- "سألت الدكتور سعد الدين الهلالي والشيخ خالد الجندي وقالولي ده صدقة جارية علي روحك وعلشان كده وثقت تبرعي صوت وصورة وفى الشهر العقاري".
- جوايا محامي بيدافع عن الشخصية اللي بقدمها إلا طبعًا شخصية أم جهاد زعيمة داعش شخصية صعبة وعنيفة والحمد لله الناس كرهتها.
- أنا جاية عشان أقول لمحمود حميدة أني بحبه أوى إنسانيًا وبحترمه فنيًا ومحمود صديق العمر كله، فمن البدايات وعملنا الكثير من الأعمال سواء مسلسلات أو أفلام، واتذكر في فيلم دانتيلا لما كنا بنتخانق أنا ويسرا عليه وجاتلنا كريزة ضحك وإيناس الدغيدي قالت هتبوظولي الفيلم عشان أصحاب وفركشنا التصوير يومها ومكملناش.