شن الإعلامي محمد موسى، هجوما حادا على الفنان محمد رمضان، بعد تعمده إثارة الرأي العام بتصريحات استفزازية واستعراض ثروته. وقال محمد موسى خلال تقديم برنامج "خط أحمر" على قناة الحدث اليوم، ولو الشيوخ اتكلموا عنك في الجوامع فكلامهم عنك خاص بالصورة السلبية اللي بتصدرها للمجتمع من خلال أعمالك واللي رسخت لمفهوم البلطجة .
تابع، "ده مخدر الأيس اللي مدمر آلاف الشباب أنت أول واحد روج له في أحد أعمالك والناس معرفتهوش إلا لما أنت قدمته في أعمالك وبعدين لما أسمعك بتقول أنك الأعلي أجر في الوطن العربي وبتقارن نفسك بهرم فني كبير زي العملاق الأستاذ عادل إمام ضروري أقول أن في حاجة غلط وللأسف العيب مش عليك العيب علي اللي فتحوا لك المسافات علي الرابع وأنت دايس ولا هامك".
استكمل، مش هبطل كلام عن سقطاتك المتعددة وعلي فكرة اللي بيتنشر عنك في الصحافة ويتقال في الاعلام مش 90 % منه كذب ولا حاجة زي أنت ما بتقول لأنه كله كلامك وتصرفاتك وأفعالك محدش بيتجني عليك يا برنس.