انتقد الإعلامي محمد موسى، حضور الفنان مصطفى كامل حفل مؤدي المهرجانات حمو بيكا بعد تقنين أوضاعه مع النقابة. وقال محمد موسى خلال تقديم برنامج "خط أحمر" على قناة الحدث اليوم، أولا ده شغل رئيس لجنة العمل مش حضرتك أنت النقيب يعني رقم 1 ، حتى الأغنية اللي غناها بيكا في حضورك (اللي بيقول فيها يالا نعمل زفاف للعيال ولاد الغازية ) أنت نفسك كنت معترض عليها وشايف أنها لا تتوافق مع الذوق العام وأنت قلت اللي هيغني حاجة مسفة مش هيشوف المايك تاني".
تابع، الفنان مصطفي كامل وهو ضيف هنا معايا من سنتين سألته عن مؤديين المهرجانات وتحديداً عن حمو بيكا فكان رده أنه لا يصلح نهائياً للغناء وأن كل اللي بيقوله بيكا إسفاف وقال نصاً مش معقوله هسمع واحد بيغني أغنية بتقول أمك صاحبتي يالا". استكمل، أيه اللي اتغير معرفش وبعدين ياسيادة النقيب العام أنت كنت اكتر واحد بتطالب باختفاء الظاهرة دي وللأسف أنت أكتر واحد أدي الناس دي مساحة ورجعتهم تاني علي الساحة".