أعرب الإعلامي محمد موسى، عن استيائه من قرارات نقابة المهن الموسيقية، بشأن مؤدي المهرجانات الشعبية، إذ قرر مصطفى كامل نقيب الموسيقيين، السماح لهم بالغناء خلال الفترة المقبلة، تحت مظلة شعبة الأداء الصوتي.
وقال محمد موسى خلال تقديم برنامج "خط أحمر" على قناة الحدث اليوم، الحقيقة أنا مصدوم لأني كنت واحد من الناس اللي راهنوا علي توليك المسؤولية وكنت أنتظر منك قرارات تانية غير كده .. كنت أنتظر تدعيمك للفن الراقي الفن الهادف مش الهاتف بتاع بيكا وأقرانه".
تابع، بجد زعلان منك لأني فعلاً بحبك وكنت منتظر منك طفرة بقطاع الموسيقي المصرية وكان فيه ملفات تانية أهم كنت ممكن تبدأ بها لكن أنت بدأت بملف أنت نفسك بتهاجمه من سنين وبكل صراحة من هنا وجاي معدين برنامجي والمراسلين بتوعي شغلهم الشاغل الفترة اللي جاية متابعة الناس دي في كل مكان هيشتغلوا فيه وهنسجل وهنذيع لأن بصراحة إحنا ما صدقنا نخلص من إسفافهم وكل أسبوع هتلاقيني جايبلك سقطة من سقاطتهم .. قرار غير موفق يا صديقي .
https://www.youtube.com/watch?v=agx5aVQRHPs