سيادة المواطن: عااااااااايزين...
حضرة المسئول: صبراً جميلاً، نعلم أن لديك أحلام، نقدرها ونسعى لتحقيقها، ولكن تحكمنا طاقة وقدرات، وتواجهنا تحديات وصعوبات، ولدينا خطط وأولويات
سيادة المواطن: اتأخرتم جداااااااا، وإحنا تعبنا قوووووى
حضرة المسؤول: مش إحنا اللي اتأخرنا، أنت فاكر إحنا كنا فين، وكان حالنا ايه، خلينا أفكرك
كان عندنا عجز في البنزين، فاكر لما كانت العربيات بتقف، عشان مفيش بنزين ولا جاز، فاكر طوابير محطات البنزين وكان الناس بتقف فيها قد إيه، فاكر حكاية الراجل بتاع جركن البنزين اللي رئيس الجمهورية بنفسه اتكلم عليه
كان عندنا عجز في الكهرباء، وتهالك في المحولات والمحطات وحتى الشبكات، فاكر لما قالوا اقعدوا كلكم في أوضه واحدة وشغلوا مرواحة واحدة، فاكر لما قالوا هنقطع النور من المغرب لحد الصبح، فاكر كانت بتقطع أد إيه، وكام مرة في اليوم
فاكر بسبب المؤامرات، كم من المباني كان بايظ ومحتاج ترميم زي المجمع العلمي، ومتحف الفن الإسلامي، وغيره
فاكر كام عربية شرطة وحكومة اتحرقت، واحتجنا بدل منها.
فاكر كام من بيوت العباده ( مسجد و كنيسة ) ، كانوا اتخربوا بأيادي شيطانيه ، وفي حاجة الي إعادة ترميم
فاكر مديريات الأمن ، والمراكز والأقسام والسجون ، واللي حصلهم بعد اقتحامهم في ساعة واحدة ، و أد ايه كانوا محتاجين الي إعادة اصلاح وترميم
فاكر كام عربية شرطة وحكومة اتحرقت ، واحتجنا بدل منها
فاكر الشوارع اللي باظت ، و الأرصفة اللي اتخلعت ، فاكر ميدان التحرير ورابعة و أد ايه اكلفت لإعادة اصلاحها
فاكر الشهداء ، وأد ايه وجعونا فيهم ، و أد ايه تعبونا ، لجل ما نطبطب علي أهليهم ، ونطيب خاطرهم ونواسيهم
فاكر الايام ، اللي قعدها الشعب كله ، في البيوت من غير شغلة ولا مشغلة ، وفاكر كلفتنا أد ايه مرتباتهم
فاكر المدارس لما اتقفلت ، والطلاب اللي اتحرمت من دروسهم
فاكر الارهاب والتفجيرات والاغتيالات ، وترويع أهالينا في كل مكان
وفاكر الدواعش وفاكر اللي عملوه ، وعارف مين دفع لهم و سلطهم علينا
يا تري فاكرالحمساويه ، وعارف ليه سابوا عدوهم وضربوا وخربوا فينا
فاكر العربيات المفخخة ، فاكر تفجير المنشآت الحيوية ، وأبراج الكهرباء ، والمحولات ، وخطوط الغاز ، والكماين كمان
فاكر جنودنا اللي راحوا غدر ، فاكر دموع الارامل والثكالي والايتام ، فاكر الصريخ والأهات
فاكر مؤامرة تسمم طلبة الازهر ، وحصار المحكمة الدستورية ، ومدينة الانتاج الاعلامي ، ومحاولتهم كمان السيطرة علي وزارة الدفاع ، وفاكر لما شالوا النائب العام
فاكر الأمان اللي ضاع ، فاكر سرقة العربيات وطلب الاتاوات
فاكر اللجان الشعبية ، فاكر العصبات والبلطجية ،
فاكر التخريب في كل اتجاه ، ويا تري عارف كلفنا أد ايه
فاكر الاعتصامات ، والاضرابات ، فاكر الهيصة والتحريض في القنوات
فاكر شبابنا اللي فكره باظ ، وشال سلاح في وش اهله ، وعليهم لسانه طال
فاكر شكلنا بين الدول كان بقي ايه ، وفاكر تطاول بعضهم علينا كان ازاي
فاكر المشاكل الخارجية ، فاكر سد النهضة
فاكر المؤامرات ، والمخططات فاكر الشماته
فاكر الأوبئة والأمراض ، فاكر فيرس سي ، وكام واحد من أهالينا ماتوا بيه
فاكر طوابير انتظار العمليات ، و فاكر كام مريض كان مش لاقي علاج
فاكر أزمة أنابيب البوتاجاز ، وأد ايه كان طابور الانتظار
فاكر شكل المستشفيات ، وحال الدكاترة والطقم كله كمان
فاكر أزمة الأدوية ، فاكر الانسولين ، فاكر ، دول حتي ما سابوش لبن الأطفال
فاكر أزمة المواصلات ، والسكة الحديد ، وفاكر حوادث المزلقانات
فاكر زحمة الطرق ، فاكر أد ايه الناس كانت بتسب وتلعن بسبب الزحمة ، والشغل اللي فات
فاكر ازمة الاسكان والشقق ، وكمية العشوائيات
فاكر مشاكل الصرف الصحي ، ومياه الشرب كمان
فاكر الناس اللي ما كنتش لاقيه تاكل ، وفي الزبالة كانت تنام
فاكر طوابير العيش ، وفاكر الدقيق من سوء تخزين القمح كان عامل ازاي
فاكر عدد العمالة اللي رجعت من ليبيا ، ومن الدول الاخري بعد سوء الحال ، وعارف عددهم كام
فاكر السوريين اللي جم مصر ، وغيرهم من اللي خربت بلادهم ، بعد مشروع الخراب العربي ، وعارف ازاي عايشين زيهم زي المصريين أصحاب البلد
فاكر طبعاً الأزمة المالية والازمة الاقتصادية ، وفاكر مقاطعة بعض الدول لينا
فاكر طبعا محاربتنا من قوي الشر في الدولار ، ودعمهم لسد النهضة عشان يعطشونا ، وغيره وغيره
يا تري عارف إن ازمتنا المالية و مشكلة الديون وفرق الموازنة ، دي حاجة مش جديدة ، دا احنا وراثنها من أيام السادات ، فاكر حكومة مبارك ،فاكر بطرس غالي ، وغيره وغيره وحتي في عهد مرسي كمان ... ألح
فاكر افكارهم ومقترحاتهم في تدبير الايرادات ، وفاكر قانون الضرائب العقارية ، وفاكر فكرة الصكوك ، وحتي حكومة الاخوان ، فاكر لما سموها صكوك اسلامية
فاكر قرض قطر لما ادوه لمرسي وطالبونا بيه عشان يعجزونا ويقفوا مع الاخوان
فاكر كل ده ، أكيد فاكر ,,,, أقول تاني ولا كفاية تقليب في اللي فات
أكيد افتكرت و يا تري عارف علاجه واصلاحه كلفنا كام
أكيد انت فاكر كان نقصنا ايه ، وكنا بنحلم بايه وايه و ايه
تعالي بقي اقولك كمان احنا جنب علاج واصلاح ومواجهة دا كله ، عملنا ايه و بقينا فين
احنا زودنا حاجاااااات كتيييير ، وكل اللي اتعمل ، اتعمل بعد دراسات عميقة متخصصة ، ووفق الاحتياجات ، و الضروريات ، وبترتيب الاولويات
هتقلي زي ايه ؟ تعالي أحكيلك و أقولك
بنينا 28 محطة طاقة كهربائية ، ووفرنا الكهرباء ، مش بس كده ، وبقينا كمان نصدرها ، بعد ما كنا خلاص هنتعود علي الظلام
انشأنا أكبر ثلاث محطات توليد كهرباء ، وواحده كمان بالرياح ، و الخامسة بالطاقة الشمسية ، ولا بقي محطة الضبعة ، يعني بقي عندنا تنوع لمصادر الطاقة
وفرنا الغاز ، وعملنا اكتفاء ذاتي منه ووصلناه لأغلب المنازل ، و بقينا نصدره كمان ، لا و ايه شغلنا العربيات بالغاز ، وعملنا محطات لها في كل مكان ، عشان نحافظ علي البيئة وعشان نخفف علي الناس كمان ، لأن تكلفته أقل كمان
وفرنا البنزين ، وكل أنواع الوقود ، وعملنا عربيات تمشي بالكهرباء كمان ، ومولنا تغير العربيات المتهالكة والقديمة كمان
حلينا مشاكل رغيف العيش ، وحسناه ووفرناه ، ومبقاش فيه طابور ، مش بس كده ، لا وصرفنا بدل للمواطن عن اللي فاض منه وما صرفوش ، ياتري شوفت حد غيرنا بيعمل كده
شيلنا العشوائيات ،( شوفت منطقة مثلث ماسبيرو ، شوفت اتعمل فيها ايه ) وبنينا أربعين مدينة جديدة ، و فرشنا الشقق لأهلينا بمستوي مناسب ( فوق المتوسط ) ، وعملنا فيها جناين وملاعب ، و حمامات سباحة كمان ، وعملنا فيها كل الخدمات
عملنا مدن جديدة كتير زي المنصورة الجديدة - شرق بورسعيد - ناصر بغرب أسيوط - غرب قنا - الإسماعيلية الجديدة ـ رفح الجديدة - مدينة الجلالة - الفرافرة الجديدة ـ العبور الجديدة - توشكي الجديدة ـ شرق العوينات – سفينكس الجديدة – بئر العبد الجديدة – أسوان الجديدة ، لتستوعب 15 مليون نسمة، وتوفر 6 ملايين فرصة عمل دايمة كمان .. وكمان مشروع المليون وحدة سكنية
نمينا محافظات الصعيد ، اسأل عن مشروعات تطوير المدن القائمة ، و الوحدات السكنية اللي اتعملت ، والمشروعات الخدمية ، وشبكات الطرق والمرافق، وتطوير مناطق عشوائية ، و تنفيذ المشروعات المختلفة
شوفت المشروع القومي لتطوير قرى الريف المصري كله ، شوفت مشروع حياة كريمة ، أكيد شوفته ، طب بالله عليك حد عمل أو فكر أو حتي كان يحلم كده ، وياتري عارف ان المشروع ده يستفيد منه أغلب الشعب وكمان الفئة البسيطة
بنينا خمس مطارات جديدة ، وطورنا و رفعنا كفاءة المطارات الموجودة ، و قطاع الطيران المدني كله ، عشان يربط مصر بالشبكة العالمية بصورة مشرفة وبشكل يضاهي الدول العظمي
حتي السجون ، طورناها ، عشان تكون بشكل انساني ، و أكيد سمعت عن ( دار الاصلاح والتأهيل بوادي النطرون ) واللي معمول فيها
شوفت المتحف المصري ، و عملية التطوير الجارية في منطقة المدابغ ، وسور مجرى العيون
شوفت مشروع "ممشى أهل مصر" المطل على النيل مش هتنكر أن شكل مصر اتغير
إطلاقنا استراتيجية التنمية المستدامة مصر 2030 وشغالين فيها علي قدم وساق
عارف العاصمة الادارية الجديدة ، اللي بيتكلموا عليها ويقولوا ملهاش لازمة ، عارف انها مكلفتش ميزانية الدولة أي حاجة ، عارف إن احنا عملنها بفلوس الارض الصحرا اللي بعناها للناس ، يعني دفعوا وعمروها كمان ، واحنا بنينا وعمرنا جبنبهم بفلوسهم
عارف احنا عملنا العاصمة الادراية عشان نستوعب العمالة اللي كانت راجعة من ليبيا وغيرها بعد مشروع الخراب العربي ، عارف كان هيبقي حجم البطالة أد ايه لولا المشاريع دي كلها
كمان عشان نقضي علي زحام وخنقة القاهره ، وكمان نعمل تنمية في الصحراء
فاكر سيادتكم لما احمد بهجت اشتري الأرض الصحراء ، تقريباً كان المتر بخمسين جنيه ، شوفت الارض الصحراء دي بقت ايه ( بقت مدينة 6 أكتوبر بحجمها وشكلها ومصانعها ) ، وعارف ان لو الارض دي متبعتش ساعتها كان هتفضل صحرا لحد دلوقتي
العاصمة الادارية بنفس الفكرة بل و أفضل كمان
عملنا كمان مدن صناعية جديدة متخصصة ، مثل مدينة الروبيكي للجلود - مدينة الأثاث بدمياط – مجمع مرغم للصناعات البلاستيكية بالاسكندرية – المنطقة الصناعية بوسط سيناء – مدينة الدواء بالخانكة – وبنعمل مدينة المواد الخام الدوائية عشان نقدر نعمل كل الادوية اللي بنحتاجها ومنستوردش من بره ، عشان نبقي مطمنين أكثر وخصوصا بعد الحروب البيلوجية
كمان عملنا مدينة الخيول العالمية "مرابط" مش عند حد ، وما تضمه من منشآت عشان نجذب السياحة ونوفر عملة صعبة
ومدينة العالمين اللي بيتكلموا عليها ، عارف احنا بنستغل الطبيعة اللي مصر بتتميز بيها وبنوظفها ونستثمرها عشان نجذب السياحة ونوفر عملة صعبة
تعرف كمان ان كل ما يبقي في تعامل مع دول كتير ، والناس تبقي رايحة جاية ، وفي علاقات ، ده كمان بيحافظ علي أمننا ، لأن مش معقول حد هيضرنا ولا يؤذينا وولاده عندنا أو له مصالح معانا أو عندنا
عملنا مصنع غزل دمياط ، ولو مش عارف ، ده مشروع قومي لإنتاج 33 مليون متر من أقمشة الجينز ، يضم عدد 4 مصانع ، غزل ونسيج وصباغة ووحدة معالجة بتكلفة استثمارية 7 مليارات.
وكمان مصنع سوهاج للاسمنت ، ومصنع سكر البنجر في المنيا ليغطي اكثر من 90% من عجز انتاج السكر ، وخفضنا معدل البطالة من 13% الي 7.5%
انشئنا وافتتحنا العديد من المصانع ، ذات الصناعات الثقيلة ، والمصانع الإنتاجية الكبرى و حلينا و بنحل مشكلات المستثمرين أولاً بأول
مبقناش نصدر مادة خام وعملنا عليها قيمة مضافة عشان نزود دخلنا ونوفر فرص عمل لأولادنا
عملنا أكبر شبكة طرق في العالم ، في وقت قياسي ، عشان نربط شرق مصر بغربها ، ونعمل تنمية في كل حته
طورنا الطرق والمحاور على مستوى الجمهورية ، بما فيها محاور نهر النيل في سمنود ومنفلوط والأقصر ، لتسهيل واستيعاب الحركة المرورية اليومية الكثيفة ، وتسهيل حركة التجارة وتطوير محاور الطرق والكباري بمنطقة مصر الجديدة وشرق القاهرة والدائري الأوسطي.
الطرق اللي قالوا عليها مش وقتها ، لا ده وقتها عشان تجذب المستثمرين ، وعشان تقلل تكلفة المنتجات لصالح الفقير ، فاكر الخضار و الفاكهة كان عشان يجي من الواحات كان بيكلف كام ، ودلوقتي بقي كام
و كمان طورنا شبكة المترو ، وعملنا ثلاث خطوط جديدة ، وطورنا السكة الحديد ، و بنعمل القطر الطائر ( المونوريل ) ، والأتوبيس الترددي ، وبقي ترتيبنا 28 عالميا بعد ان كان 118
عملنا قناة سويس جديدة ، عشان نحول مصر لمركز تجارى ولوجيستي عالمي ، يفيد العالم كله ، ويزود دخلنا القومي ، ويدفع الاقتصاد
انشأنا عدد من المواني البرية ، زي طابا – أرقين – قسطل ، طورنا المواني البحرية ، وعمقنا الممرات الملاحية ، وانشأنا محطات للحاويات ، وكمان طورنا الملاحة النهرية
منسيناش كمان شبكات الانترنت ، عشان نبقي زي العالم المتقدم ، طورناها لحد ما بقي ترتيبنا 94 عالميا بعد ما كان 166
و اطلقنا قمر صناعي مصري للاتصالات ، وأكيد انت وغيرك حاسس بجودتها
عملنا التحول الرقمي ، وميكنا كل الخدمات الحكومية ، واستخدمنا الزكاء الصناعي ، عشان نريح المواطن ونقفل باب الرشوة والفساد كمان
استصلحنا مليون ونصف فدان ، ووفرنا بيها جزء كبير من القمح ، وفرص عمل كمان
عملنا صوامع علي أحدث الأنظمة ، تكفي تخزين ثلاثة ونصف مليون طن قمح ، بعد ما كان أغلب أنتاج القمح بيتلف بسبب سوء التخزين
عملنا 100 الف صوبة زراعية ، سمحت بزراعة كل أنواع الزراعات ، لمواجهة التغيرات المناخية ، ونعمل اكتفاء ذاتي ، ونوفر فرص عمل للشباب
عملنا مزارع سمكية ، مشروع الاستزراع السمكي في بركة غليون بكفر الشيخ ، ومشروع الاستزراع السمكي في بورسعيد ، ومشروع الاستزراع السمكي في البحر الأحمر والبحر المتوسط ، وفرنا فيها أجود أنواع الاسماك ، وبقينا نصدرها لزيادة الدحل القومي وتوفير عملة صعبة وخلق فرص عمل كمان
عملنا أنفاق سيناء ، خمس انفاق ، علي أحدث نظام ، عشان نربطها بكافة نواحي الجمهورية عشان نعمل نهضة تنموية علي ارض الفيروز
عملنا شبكات الصرف الصحي حتي وصلت أغلب القري والعزب والنجوع
عملنا كتير من محطات تحلية المياه ، التي وفرت المياه النقية الصحية في مناطق كانت تشرب عن طريق الخزانات
طورنا التعليم والمدارس ، وعملنا مدارس يابانية ، وغيرنا جزء كبير من الكتاب الورقي واستبدلناه بالتابلت ، و عملنا جامعات حكومية و أهليه وتكنولوجية ، و معاهد جديدة ، ومعاهد بحثية كمان ، و زودنا عدد الجامعات من 41 الي 65 ، وجاري الانتهاء من 19 جامعة اخري
بنينا أكثر من 3 آلاف مدرسة ، واطلاقنا نظام التعليم المصري الجديد ، ودربنا المدرسين ، وعملنا منصات تعليمية متعدده
سلحنا الجيش وجهزناه بأعلي تجيهز، حتي أصبح ترتيبه الأول علي الشرق الأوسط ، والتاسع علي العالم ، عشان محدش يقدر يبص لنا
عملنا منظومة التأمين الصحي الشامل ، و اكيد انت شوفت شكل المستشفيات ، والخدمة فيها بقت ازاي ، وكمان زودنا عدد المستشفيات الجامعية من 65 الي 84، وكمان طورنا معظم المستشفيات حتي بقي ترتيبنا 65 عالميا في 2019
عملنا مبادرة 100 مليون صحة ، وقضينا علي فيرس سي ، وكمان مبادرات التقزم والسمنة وسرطان الثدي والبروستاتا وغيرها كتير ، وقضينا علي قوائم الانتظار في العمليات
وفرنا الادوية والامصال ، وانت شوفت في أزمة كرونا ، ازاي وفرنا لقاحها ببلاش ، و أدائنا فيها كان ازاي
جبنا ولادنا المصريين من الخارج في ازمة كرونا ، في الوقت اللي اكبر الدول سابوا ابنائهم . مش بس كده د احنا قدمنا مساعدات الي كل دول العالم ، و عرفناهم حجم مصر الحقيقي
زودنا رواتب الأطباء والممرضين ، و اغلب الموظفين كمان
ورفعنا الحد الأدنى لكل العاملين بالدولة الي 3000 جنيه بعد ما كان اقل من 500جنيه
عملنا تكافل وكرامه ، عشان نوفر دخل نقدي لأي حد ملوش دخل
عملنا منحة العمالة الغير منتظمة ، و اكيد متخيل كلفتنا كام
وسعنا قاعدة مظلة الحماية الاجتماعية ، لتشمل اكبر عدد من أهالينا ، و عملنا مشروعات للتكافل الاجتماعي ، وفي مقدمتهم "حياة كريمة"، و"تكافل وكرامة".
حفضنا معدل الفقر في مصر لأول مرة منذ قرابة 20 عام ليسجل 29.7%-
عملنا مبادرة أطفال بلا مأوى ، و كمان بقينا ندور علي الكبار والمسنين والعجزة اللي بلا ماوي ، عشان نرعاهم ونكرمهم
وفرنا السلع الغذائية في التموين ، وبقينا نوزعها ببلاش علي المواطنين ، من خلال التموين الشهري ، وخلينا المواطن يصرفها بكرامة وسهولة من أي مكان
عملنا منافذ أمان ، اللي بتوفر السلع بأسعار مخفظة ، عشان نحجم غلاء الاسعار وجشع التجار
مش بس كده عملنا مبادرة كلنا ، واحد نزلت بالسلع لحد الناس
رفعنا احتياطي النقد الاجنبي من 14 مليار دولار في 2014 الي 45 مليار دولار في 2019
اسقطنا الديون عن المزارعين ، ووفرنا لهم قروض ، بفوائد لا تذكر لمساعدتهم في المشروعات
عملنا مشروعات التسمين ( المليون ونص راس ماشية ) لتوفير اللحوم وعشان نقلل الاستيراد
بنطور قطاعات الزراعة ، وبنستصلح أراضي عشان نعوض الأراضي الزراعية اللي اتبني عليها
شوفت المشروع القومي لتبطين الترع وحتي المسق في كل قرية وعزبة ونجع
شوفت مشروع "مستقبل مصر" للإنتاج الزراعي.
شوفت المشروع القومي لتنمية سيناء ، زراعة واستصلاح الأراضي في شمال ووسط سيناء
شوفت تنمية الساحل الشمالي الغربي ومنطقة محور الضبعة.
شوفت المشروع القومي "الدلتا الجديدة" بمساحة مليون فدان.
ثبتنا أركان الدولة ، وأعادنا بناء مؤسساتها الوطنية ، و استعادنا لمصر مكانتها في المشهد الدولي كقوة عظمى ، وتوالت الشهادات العالمية الدولية ، التي تؤكد مكانة وأهمية مصر كلاعب إقليمي ، لا يمكن الاستغناء عنه ولا بديل له
و اكيد شوفت قوة كلمتها في موضوع ليبيا ، لما الريس قال سرت والجفرة خط أحمر
شوفت معدتنا لما دخلت فلسيطن و شوفت أعلامنا وهي بترفرف ، أكيد ده محصلش الا لما بقي لينا قوة
وكمان دعينا للحوار الوطني عشان نسمع الجميع ، اللي عنده شكوه واللي عنده فكره
شاورلي علي قطاع ما عملناش فيه تنمية او تطوير
دا احنا مش بنشتغل لمصر وفي مصر بس ، احنا بنشتغل لمصر والدول العربية الشقيقة
تقدر تقولي اللي اتعمل ده كان حد يقدر عليه ولا حد كان فكر فيه
محتاجين الناس تشاركنا و تتحمل معانا المسئولية ، تشارك في الترشيد مش معقول نبقي بنعاني من ندرة المياه ولسه في ناس بترش مياه في الشارع
بيقولوا الكهرباء غاليه ولسة بيسيبوا النور قايد في الشوارع والبيوت والتيفوزينات قايده علي الفاضي والمليان
ينفع يشوفوا اللي بيرتشي واللي بيسرق ويخرب وميبلغوش عنه
الكلام كتيير بس احنا في حاجة للعمل مش للكلام
احنا في حاجة للتكاتف والحب والوئام
احنا في حاجة للاتفاق مش للخلاف
احنا في حاجة للثقة ولكلمة حلوة تهون علينا وتدفعنا للامام
وصدقونا احنا لاجل راحتكم ما بنعرف ننام
وكل حلم ليكم قبل ما تعبروا عنه بنقول تمام
ولأجل مصر نضحي بروحنا واولادنا وكل ما نملك كمان
سيادة المواطن : تحياتي لكم ، وكمان دعائي ، الله يعينكم و يحفظكم ويوفقكم وده خلاصة الكلام