شرح الدكتور حسام موافي أستاذ طب الحالات الحرجة بكلية طب قصر العيني، طريقة عمل كهرباء القلب، قائلا إن «القلب بيشتغل بالكهربا، لا يقال فيها غير سبحان الله، ربنا عمل له كهربا لوحدها مش جايله من أي مصدر، لأن ربنا مش عايز القلب يعتمد على حد».
وأوضح موافي خلال برنامجه «ربي زدني علمًا»، الذي يعرض على قناة «صدى البلد»: «القلب مش بياخد كهربا من المخ زي بقية الجسم، الكهربا الخاصة به منفصلة، فالمخ رغم أنه يرسل أعصاب للقلب ممن الممكن أن تقلل أو تزيد من ضربات القلب، لكنه لا يبدأها أبدًا».
وتابع موافي: «هناك بؤرة كهربية في الأذين الأيمن، لوحدها بتطلع كهربا، كل شحنة كهربا تطلع ينقبض القلب، ينقبض الأذين وبعدها كهربا توصل لنقطة تانية ينقبض البطين، زي ما الإنسان بيتكهرب بالظبط».
وأكمل: «القلب فيه بؤرة كهربية بتشتغل لوحدها، متوصلة بأعصاب ولكن الأعصاب لا تشغلها، في عصب يخليها تسرع وعصب يخليها تبطأ، مثلا وانت نايم بالليل بتكون بطيئة، وبتكون سريعة وانت بتجري، ودي مسؤولية الأعصاب ولكنها لا تشغلها من الأساس، الأعصاب مش بتشغل كهربة القلب».