أكدت جيانا فاروق، بطلة الكاراتيه، أن الصدفة وراء لعبها الكاراتيه ولم يكن هدفها الاحتراف في البداية.
وأضافت، خلال لقائها ببرنامج "سهرانين"، الذى يقدمه الفنان أمير كرارة عبر قناة "ON": "موضوع لعب الكاراتيه جه معايا بالصدفة، لعبت 6 سنين سباحة في الأهلي، وبعدين شوفت فتيات بيلعبوا كاراتيه وعجبتني، ولعبت 6 سنين، وبعدين شاركت في المسابقات".
وتابعت: "مكنش فى بالى احتراف، كانت الفكرة فى البداية حاجة مفيدة أقضى فيها وقتى، وأخويا كان بطل عالم بس دخل الطيران وبطل رياضة".
وأضافت جيانا فاروق: "مرة وقفونى فى المطار وأنا راجعة من المونديال لأن الميدالية تقيلة، قلت ممكن أسيب أي حاجة ما عدا الميدالية".