كشفت الفنانة أيتن عامر، تفاصيل جديدة عن حياتها الشخصية والفنية وعلاقتها بأولادها .
وقالت أيتن عامر خلال لقاء مع النجم أمير كرارة ببرنامج "سهرانين" الذى يذاع على قناة "on": " أنا عادة مش بحب الخروج من الأساس، وأصحابى كل واحدة فيهم متجوزة فى مكان، ولقائاتنا بعد الجواز قلت، فتقريبا كل وقت فراغى قاعدة فى البيت، وأنا فى السنة كلها ممكن أصور 23 أو 30 يوم بالكتير أوى وباقى السنة قاعدة فى البيت".
وتابعت :" أنا عندى بنتى أيتن، أنا بالنسبة لها سمر الملقبة بأيتن، إنما هى أيتن الحقيقية، أنا من يوم ما اتولدت وأنا أيتن، لكن بابا قرر أنه يسمينى سمر، مش عارفة عمل كدة ليه، بس الدنيا كلها بتقولى يا أيتن".
وأشارت إلى أن بعض الأفلام والمسلسلات التى تعتمد على الجرافيك، قد تكون الفكرة متواضعة وتنفيذها متواضع، ولكن الفكرة الرئيسية هى التى تجذب الناس.
وتابعت :" قد يكون الجرافيك عندنا فى مصر، مش فى نفس مستوى الجرافيك بالخارج، لكن لو ركزنا فى المحتوى اللى بيتقدم للأطفال وحبوه، ده هيكون عنصر الجذب لهم ومش الجودة بتاعت الجرافيك".