كشف الفنان رضا حامد، عن رأيه في الزعيم عادل إمام، لافتًا إلي أنه رمز من رموز الفن الشامخ، ورحلته عظيمة ويكاد يكون هرما لم يحدث في الفن.
وأضاف خلال لقائه ببرنامج "نص الكلام" الذي تقدمه الإعلامية راغدة شلهوب بقناة "النهار": "عادل إمام نجم كبير ومن حقه يحافظ على نجوميته بالطريقة اللى هو شايفها، ولو شايفني هاعمله قلق شوية يقولي مع السلامة، بس هو فعلا مبيحبش حد يظهر جنبه وبيخاف حد يظهر جنبه، وعنده إحساس إنه بكده هو بيحافظ علي نجوميته".
وتابع:"اشتغلت مع سمير غانم والفرق بينه وبين عادل امام فظيع، إنه كان بيقولي حاجات وكان بيخليني اعمل اللى انا عايزه ويزودني ويقولي طيب ما تقولنا كمان كذا إنما الزعيم مكنش بيديني الفرصة أرتجل ولا آخد فرصتي".
وتابع:"عادل إمام لما بيسمع إن فيه ضحك جامد جدا خارج مني كان الموضوع ده بيقلقه، وفي يوم من الأيام كنت داخل المسرح قاللي ياض يا رضا انت ممثل جامد أوي بس طبعا ده كان بيضايقه".
وأكمل: "كل إني قلت موقف عن عادل امام متحاسبش عليه، وربنا يعطيه الصحة ويطمنا عليه لأنه هرم شامخ في الفن ومينفعش حد يزايد على عادل امام ولا يزايد عليا في حبي ليه".
ولفت في تصريحات سابقة: "عادل إمام تاريخ كبير جدا وربنا يعفو عنه إذا كان فيه ظروف صحية مش كويسة واشتغلت معاه 9 سنين وفي أحد المواقف على المسرح قاللى ياواد يا رضا انت ممثل جامد أوي".
وأضاف: "مهما حصل من اختلاف مع عادل إمام ولو ناس نقلت له كلام غلط عني منقدرش نجيب سيرته إلا بكل خير واحنا اتعلمنا الكوميديا والتمثيل منه"
وبكى الفنان رضا حامد، على الهواء، أثناء دعائه للزعيم عادل إمام، قائلا: "اشتغلت معاه ٩ سنين وناس نقلت له كلام غلط عني فاستبعدني من مسرحية بودي جارد".
ولفت خلال لقائه ببرنامج “كلام الناس” المذاع على قناة “إم بي سي مصر”: "حصل خلاف بيني وبين فرقة عادل إمام في مسرحية "بودي جارد" فتم استبعادي من النسخة اللي اتصورت برغم أني اشتغلت معاهم 9 سنين في العرض".