قالت الفنانة رنا رئيس إن خطيبها يسري طلب إيدها من والدتها وفوجئت بوجوده في البرنامج مع أستاذة منى الشاذلي، وعلقت أنا ويسري بنحب بعض من ٧ سنين وشوفنا كل حاجة مع بعض، وهو دايما بيدعمني في شغلي، جاء ذلك خلال لقائها في برنامج في حتة تانية تقديم دنيا صلاح عبدالله على ميجا إف إم.
وأضافت جت لي فرصة أقدم برنامج بس رفضت، كنت عاوزة أمثل من وأنا عندي ٤ سنين بس أمي كانت رافضة علشان الدراسة، وبدأت في ٢٠١٧ بعد إقناع ومحايلة كتير أوي.
وعن أول العروض اللي جت لها: كان مسلسل "وضع أمني"، ومسلسل "أرض جو"، والاتنين في نفس السنة، وعن أول مشهد ليها عدته ٦ مرات وأكتر مشهد عدته في حياتي كان ٤٣ مرة!
وتابعت كنت مرعوبة جدا من دوري في مسلسل "ليالينا ٨٠" والمخرج أحمد صالح كان مؤمن بيا جدًا، و كنت بتعامل مع أهلي في البيت وأنا مغمية عيني علشان اتعود على دوري في مسلسل "ليالينا ٨٠".
أما أصعب مشهد ليا في مسلسل "نجيب زاهي زركش"، هو أول مشهد ليا قدام دكتور يحيى الفخراني، وأستاذ ياسر جلال إنسان مريح جدا وجميل، واحتواني في مسلسل "ضل راجل".
*واختتمت قائلا أبويا وجدي اتوفوا وأنا بصور في خلال ٢٤ ساعة! بتمني الرضا والسكينة والسعادة لأهلي ودي أمنيتي كل سنة.