قال محمود عبد المنعم كهربا لاعب النادي الأهلي: "الحمد لله أسعى واتعب وربنا بيكافئني في الاَخر مبيضيعشي مجهودي وصبري الفترة اللى فاتت".
وتابع خلال تصريحات تليفزيونية بقناة "الأهلي": "انا تعبت جدا الفترة اللى فاتت ولولا مساندة النادي الأهلي وجماهيره وزمايلي مكنتش هاظهر بالمستوي اللى ظهرت عليه، وأشكرهم جدا، والمعتاد في النادي ان الروح اللى بتكسب بدعم الجمهور".
وأوضح كهربا: "عدى عليا 7 شهور اللى فاتوا كانوا الأصعب في حياتي من ساعة ما لعبت الكورة، ودخلت في حاجات كتير أوي مش بإيدي كان غصب عني وكان فيه ظلم كبير ولكن في الأول والاَخر دي حكمة ربنا وبحمد ربنا علي كل شئ، قربت من ربنا الفترة اللى فاتت ودعوات ابويا وأمي وأختي وأخويا كل يوم يدعوا لي هي اللى وقفتني علي رجلي، وتعبت وقفلت علي نفسي وربنا كافئني في الاَخر وباشكر واحمد ربنا لحد اَخر لحظة في حياتي، وربنا كبير ونصرني في الاداء واللعب بعد صبر ومعاناة وضغط وحاجات كتير كانت صعبة محدش يقدر يمر باللى انا مريت بيه الفترة اللى فاتت".
كشف المهندس خالد مرتجي أمين صندوق النادي الأهلي، مصير غرامة لاعب الفريق محمود عبد المنعم كهربا، وموقف الفيفا من اللاعب.
وأكد خالد مرتجي خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: "الفيفا هيدي لـ كهربا فرصة أنه يقسط الغرامة لأنه لو ما لعبش مش هيجي له فلوس وبالتالي مش هيدفع الغرامة".
ولفت: " كهربا بياكل النجيلة والحمد لله ربنا كرمه، وشارك اليوم مع النادي الأهلي أمام سياتل الأمريكي في كأس العالم للأندية بشكل أساسي".