قالت مروة عبد الوهاب طاهر من قرية الحميدات: "شهرتى مروة الهوارى، خريجة ليسانس حقوق. لم اتجه لمجال المحاماة؛ لأنى (لقيت نفسي) في الشغل الحرفي.. وراثة عن والدى وإخواتى.. كلهم بيحبوا الأعمال الحرفيه، والدى - الله يرحمه - كان شغال في شبك الصيد.. بيشتغل بإيده وبطريقة فنية".
وأضافت مروة الهوارى: "من هنا، بدأت أعمل إكسسوار بالخوص (سعف النخيل) وبعدين عروسة، وأسّوقها في المحلات التجارية، لحد ما قدرت أعمل مشروع حر ليا، وأكون مديرة نفسي، وبعمل الحاجة بحب، ومش عشان خاطر الفلوس، وأوقات كتير ببقى مش بحب أبيع منتجاتى؛ بسبب تعلقى بيها"
وتابعت: "لاقيت تشجيع في البيت، وقبول من الجمهور.. واترشحت في أكتر من معرض داخل قنا وخارجها، أولها في القاهرة شهر مارس 2021، في البازار أرض المعارض، وشرفتنا السيدة انتصار السيسي حرم السيد الرئيس.. حاليا رجعت قنا في معرض تراثنا ومعرض سنوى دورى، وكان معانا ناس خليجية وإماراتين، ونلت شرف أنى أمثل المحافظة والجامعة".
