كشف الفنان صلاح عبد الله، سر هجومه على محمد صلاح نجم نادي ليفربول ومنتخب مصر، موضحا: "أنا كنت زعلان منه مش علشان هزيمة المنتخب ولكن علشان سلوك معين وقلت مش هاشجع ليفربول تاني ودي اللى قلب الناس عليا".
وقال صلاح عبد الله خلال لقائه ببرنامج "أنا والقناع" المذاع علي قناة "الحياة": "أنا كنت زعلان أوي من تصرف معين لمحمد صلاح، وقلت له انت مبتلعبش في ليفربول زي ما بتلعب في منتخب مصر".
وأضاف: "أنا أول واحد قال إن محمد صلاح المفروض يدرس في المناهج وخاصة مناهج الابتدائي والإعدادي كرحلة كفاح وإصرار".
وتابع: "أقول ل محمد صلاح دلوقتي إلهي يحفظك من العين وتلعب حلو يا محمد وتجيب النهاردة جولين وتفرح قلبي يا محمد عمك صلاح يا صلاح بقاله يومين أحزان وشبكة الأفراح أنت فارسها يامان، إلهي تلعب حلو يا محمد".