نفى المهندس محمود خيرى، ما يتردد من أنباء بشأن إغلاق مصنع بيراميدز لإطارات السيارات القائم في المنطقة الصناعية ببورسعيد وتسريح العمالة.
وقد انتشرت مؤخرًا تقارير تداولها رواد مواقع التواصل الاجتماع عن إغلاق مصنع بيراميدز والاستغناء عن العمالة، واستعداد المصنع لنقل أعماله إلى المملكة العربية السعودية.
قال محمود خيرى، على صفحته الرسمية بموقع "فيسبوك" أن مصنع بيراميدز مقفلش خالص.
وتابع "خيرى": لما اتسألت من اول يوم قولت مقفلش ومش هيقفل.
وكان رد محمود خيرى: "من قبل ١٠٠ مرة انى ضد البيرواقراطيه والعراقيل وان المنظومة الأدارية بحاجه لتعديلات ودى عقبة بوجه استثمار ابناء البلد قبل الأجانب
بس كمية الندب الرهيبه وترويج الأشاعات شيئ غريب الصراحه ويشكك فى نوايا بعض الندابين".
وأكد أن المصنع هيتوسع للمرحلة الرابعه كمان فى سبتمبر وماشى فى خطته لانتاج اطارات الملاكى خلال عام زى ما قال من قبل".
مش فاهم ايه المشكله لما مستثمر مصرى يروح يفتح فرع تانى ومصنع ليه فى بلد عربى، هو لما مستثمر خليجى او اجنبى عموما بيجى مصر هنا ويفتح ويتوسع بيحصل كمية الندب دى وترويج الاشاعات.
معنديش مشكله تدعم حد خالص من قوانين بتعرقل استثمارة وتطلب تغييرها، انا عندى مشكله انك تمارس ترويج الاشاعات واللى بتدعى انك بتشتكى منه ونفسك بلدك تبقا احسن.
تدمرة بلسانك وهبدك على السوشيال ميديا ، المصنع مقفلش ومنقلش استثمار ، الراجل توسع وراح بلد تانى جنب شغله هنا وربنا يكرمه ويروح عشر بلاد كمان بس ميقفلش هنا ويتوسع برضه هنا
القوانين الباليه زى ما بتعرقل استثمار برضه ترويج الاشاعات ممكن يخلق مناخ طارد للاستثمار.
وإختتم: "تمنى الخير وابحث عن المعلومه الصحيحة واستخدم عقلك".
