علق الإعلامي محمد موسى، على واقعة القبض على اليوتيوبر هبة السيد، بعد اتهامها لأولادها بممارسة الفاحشة من أجل تحقيق أرباح.
وقال محمد موسى خلال تقديم برنامج "خط أحمر" على قناة الحدث اليوم، من 6 أو 7 سنوات وأنا بتكلم في البرنامج ده عن حكاية اليوتيوبر والبلوجر وعرضت هنا بلاوي متلتلة عن معظم اللي بيحملوا اللقب ده.. ودايمًا كنت بقول إن الناس دي عبارة عن مجموعة من العواطلية مش لاقيين حاجة يعملوها فسموا نفسهم بلوجر ويوتيوبر ".
تابع، الأخت اللي اتقبض عليها في مدينة الخصوص بسبب فيديو نشرته لأولادها وللأسف فيديو لا أتصور أبداً إن أم توصم ولادها بوصمة منيلة بنيلة زي دي.. تصوروا أم زياد دي تعمل فيديو تظهر خلاله ومعاها ولادها الثلاثة وتدعى في الفيديو بقيام أولادها بممارسة الأفعال المنافية للآداب، وكل ده بهدف تحقيق نسب مشاهدات عالية لتحقيق مكاسب مالية.. تخيلوا إن أم ممكن تعمل كده.. الحقيقة دي ولا أم ولا تعرف حاجة عن الأمومة.. الست اللي تصور ولادها اللي هما أطفال وتقول إنهم بيعملوا أعمال منافية للآداب.. دي الواحد ممكن يوصفها بإيه؟ .
وأضاف، " هو للدرجة دي الفلوس عمت الناس هو للدرجة دي الفلوس ممكن تخلي أم تعمل كده في ولادها".
https://www.youtube.com/watch?v=UtLtwMkWm-o