قال عبد المنعم أبو عطية شبيه الشيخ محمد متولي الشعراوي: "عرفت الشبه بيني وبين إمام الدعاة من حوالي 20 سنة لما جئت من الحج وبعدها لبست نفس طاقية الشيخ".
وأضاف خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "لما كان الشيخ الشعراوي عايش كان الناس بيتلخبطوا ما بينا، وعلاقتي كانت طيبة مع أولاده؛ الشيخ المرحوم عبد الرحيم والحاج أحمد توفي قريب، والحاج سامي ولقيت فيه شبه جدا من الحاج سامي".
ولفت: "في كل مبني حكومي الأوتبيس والمترو الناس بتفتكر إني الشيخ الشعراوي، ويقولولي لو الشيخ الشعراوي مكنش مات كنا نقول انت".
ولفت:"أنا حريص علي زيارة قبر الشيخ الشعراوي 4 مرات في السنة غير الذكرى السنوية لوفاته، وفاكر كل عبارات وجمل الشيخ الشعراوي كلها".
وأشار: " الشيخ الشعراوي كان محبا لآل البيت، وأنا بعمل زيه وبحبهم وبحب المساكين والغلابة، ومفيش مقام من المقامات إلا لما روحته، وزرت مقام سيدنا أبو الحسن الشاذلي في مرسى علم، وزرت قبر ابن سيدنا أبي بكر الصديق الشهيد محمد في بلد اسمها ميت دمسيس، وفيه هناك حجر طوله مترين ارتفاعه 60 سم وعرضه 60 سم، اللى يرقد عليه بفضل الله وبنية إن الشافي ربنا لو عنده انزلاق غضروفي يروح، وشربت من إبريق سيدي إبراهيم الدسوقي في بلد اسمها كمشيش".