إصابة داليا البحيري بعد سقوطها على المسرح

كشفت الفنانة داليا البحيري عن تعرضها لإصابة في كف اليد بـ تمزق في وتر الإبهام أثناء وقوفها على المسرح.

الفنانة داليا البحيري صورة على حسابها الشخصي "الإنستجرام" صورة أشعة لـ كف اليد.

وأوضحت تفاصيل الحادثة وقالت: " "حادثة صغيرة على ماقسم كده .. اختل توازني على المسرح ووقعت واقعة جامدة حبيتين .. نزلت بكل حملي على ايدي وحسيت برجة جامدة في دماغي .. ووجع رهيب، ايدي ورمت قلت بس أنا اتكسرت" ".

وتابعت داليا التفاصيل وقالت: "" كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدي إلى إن العضمة اتحركت من مكانها .. كل ده تمام وألف حمد وألف شكر إنها بتيجي علي قد كده …المشكلة بقي يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده"".

واستكملت حديثها: "" لا عارفة ألبس ولا أقلع ولا أفتح ازازة الماية مش عارفة أشيل حاجة مش عارفة أفتح باب العربية ولا أي أكره .. مش عارفة أسرح شعري ولا أغسل وشي ولا أي حاجة وكمان مش عارفة أعمل scroll ومش عارفة أعمل like …آه والله ال Like بتوجعني جدا …بس برضو الحمد لله دائمآ وأبدآ …ما يقع إلا الشاطر"".

يذكر أن داليا البحيري شاركت في مسرحية "سيدتي أنا" التي تلعب بطولتها بأربع جوائز من المهرجان القومي للمسرح، وهي: جائزة أفضل مخرج وأفضل ديكور وأفضل أزياء وأفضل أشعار.