أكد النائب سليمان وهدان، عضو مجلس إدارة الزمالك المستقيل من منصبه أن المجلس أصبح غير قادر على مواصلة عمله بسبب مشاكل النادي الكثيرة، مشيراً إلى أن هناك عددا من المشاكل يعود لأكثر من 23 عاما.
وقال وهدان في تصريحات تليفزيونية عبر برنامج البريمو:” نادي الزمالك عنده مشاكل والمشاكل دي تراكمية على مدار السنوات، حاولنا نحل المشاكل ولكن المديونيات كبيره جدا في كل القطاعات”.
وواصل:”عندنا مشاكل مع الضرائب والكهرباء، حجز على الأرصدة، مهما كانت قوة المجلس ووضعه هيفشل، الاستقرار الإداري والرياضي بيأدي للنجاحات”.
وتابع:”"في آخر ٦ أو ٨ شهور حاولنا نحل ولكن معرفناش، يمكن الاستقالة كانت مفاجئة ولكن احنا بيننا كأعضاء كنا بنصبر بعض، كلنا كان عندنا رغبة في الاستقالة، احنا خلاص مبقناش قادرين" .”
وشدد، "”لما الدنيا قفلت ومبقناش عاوزين نشتغل القرار اتاخد بسرعة ومكنش في معارضة في الاستقالة احنا عاوزين نساعد النادي ولذلك فضلنا اننا نقدم مصلحة الزمالك على مصالحنا الشخصية" ”.
وأكمل:”"احنا حلينا مشاكل مع هيئه الاوقاف كانت من ٢٣ سنة انت متخيل؟ عندنا مشاكل مع الضرائب ومشاكل مع اتحاد الكره ومشاكل مع اتحاد اليد، في مشاكل كتير جداً كان ليها دور في الوصول لهذه المرحله الاستقالة" ”.
وأضاف:"”الشعور ان انت عندك مظلوميه أو اشياء من هذا القبيل ده نتيجه عشوائية كبيره عندنا ، الامر التاني اللي أقدر أقول عليه مكنش موجود عندنا هو الاستقرار ، الاستقرار الفني والإداري مهم" ”.
وأتم:"”انك تبص في كشكولك وتكرس مجهوداتك عليك بدل ما تشغل نفسك بغيرك وتركز معاهم ده هيخليك هتضيع اهدافك الأساسية" ”.