رد فاروق جعفر، لاعب الزمالك السابق، على تصريحات عماد البناني المدير التنفيذي للفارس الأبيض بشأن رفضه تعيين لجنة لإدارة الكرة بالقلعة البيضاء.
وقال فاروق جعفر، في تصريحات تلفزيونية ببرنامج “أسبوع الكورة” عبر قناة “أون تايم سبورتس”: ” يعني ايه مش هتجيب لجنه كرة، أومال مين هيدير؟، عبدالواحد شخص محترم ولكن لوحده ميقدرش يشيل لازم يكون في خبرات وتوقيت الانتخابات غير مناسب، إزاي الانتخابات وقت انشغال الفريق بالبطولات”.
وأضاف: "الدكتور أشرف صبحي بيزعل مني لما بتكلم، لكن دي شغلتنا مع احترامي لدكتور عماد يعني ايه مش هتعين لجنه كرة".
وشدد جعفر:” أنا اشتغلت مع حسين لبيب وتعاملت مع أحمد سليمان لكن لازم أرجع لزمايلي ممكن حد مننا يترشح لرئاسة الزمالك فمقدرش أقول مين الأفضل، لازم ندرس ونشوف المرشحين ونساند نجومنا في كل الألعاب، هنتكلم مع بعض في الانتخابات”.
وأردف:” كابتن حسين لبيب قابل المدير الفني ويكلمه على المستحقات ايه صفة حسين لبيب دلوقتي؟ هو على راسي لكن صفته إيه؟ احنا بتوع الكره ومبنقعدش مع الفريق، ده تعدي”.
وأشار جعفر: “كابتن حمادة إمام اللي عمل تاريخ وشعبية الزمالك خسر الانتخابات وهل ده منطق؟، مع احترامي لكل الألعاب لما أشوف تصور لمجلس الزمالك نلاقي 5 بتوع هاند بول ليه؟ احنا بتوع كره وعملنا شعبية الزمالك”.
وأكمل:” كل ما يحدث بيعمل قلق محدش هيرضى النادي يوصل لكده، الزمالك بيشجعه ملايين ولازم يقف على رجله، لازم كلنا نتوقف على التصريحات ومش سبق كل واحد يروح يقابل المدير الفني”.
واستطرد جعفر:” أكثر حاجة وترتني إنه اتقال مش هنعمل لجنه لإدارة الكرة، حضرتك يا دكتور عماد هتدير الكرة؟ ولا أحمد الوطن حضرتك هتدير الكرة؟، سنة اللجان كنت موجود في اللجنتين”.
واختتم: “موضوع التجديد لزيزو، هاني برزي هو كان الداعم له بالدرجة الأولى وخلص موضوع زيزو، دلوقتي فتوح مين يكلم فتوح لازم حد يكون بتاع كرة، لم أتواصل مع فتوح وزيزو والثنائي من أفضل اللاعبين بالدوري، مش تحدي لازم نشوف مصلحة الزمالك ونجيب حد متخصص يدير الكرة”.