كشفت
ريم طارق تفاصيل جديدة حول أزمتها التي استمرت طوال الأشهر الماضية مع طليقها الفنان
حسن شاكوش في برنامج "90 دقيقة"، موجهة عتابا للإعلامية
بسمة وهبة بسبب حلقتها في "العرافة".
قالت ريم طارق لبسمة وهبة: "انتي ضحكتي عليا لما قولتلك الكلام اللي قاله شيخ العرافين صدق وإن حسن فعلا متجوز عليا قولتيلي دا خراب بيوت يا ريم ومتصدقيش وطلع فعلا صح".
ردت بسمة وهبة: "معنديش جواب ليكي، شيخ العرافين هو اللي عارف يعني حلقة شيخ الحارة هي السبب!
قالت ريم طارق: "أهله اتواصلوا معانا وقالوا تعالوا نقعد على كافيه علشان نطلقها وبابا قالهم أنا ليا بيت وزي ما أخدها من بيتي يجي يطلقها ولو بنتي غلطانة أربيها مرضيوش".
وأضافت "طارق": "عملت إثبات حالة إن حاجتي في البيت معجبش أهله ولما طلعت على السوشيال ميديا بعتلي وقالي انتي بتكتبي عالسوشيال دي لعبتي أنا هتسلى عليكي أنتي وأهلك عليها".
وتابعت: "بدأوا ينزلوا صور لينا واتكتب عليها كلام وحش واتوصفت بإني سبوبة واللي يدفع أكتر والحقيقة إن حسن مجابليش حاجة ومصرفش عليا جنيه حتى في القايمة أمه رفضت تكتب قيمة القايمة وقالت نكتب الأوض وحسن عرض على أبويا يكتب المؤخر وصل أمانه وأبويا رفض.. كل اللي عمله حسن بسبب سر أنا اللي عارفاه ومش هقوله".
وعن قضية التمكين من منزل الزوجية، قالت ريم طليقة شاكوش: "الفكرة كلها أن أنا خدت تمكين عشان حاجتي وهدومي وكل حاجة متعلقة بيا، خرجت وجيت تاني يوم أخد حاجتي، وكدة كدة رفعت قضية طلاق، اتمكنا عشان اخد هدومي وحاجتي ورحت امبارح مع بابا، ووقف برا بعد ما حسن شاكوش طرده، وأهله وصلوا بعد نص ساعة، كدة كدة مش هينفع اعيش مع واحد مهددني بالقتل، وحلقة (شيخ الحارة) كل اللي اتقال فيها صدق وأنا اللي اتضحك علي".
وفي النهاية، قالت: "أنا طلبت نتعرض على الطب الشرعي احنا الإتنين، أنا لا واحدة مزقوقة ولا عايزة منك فلوس ولا فيلا لو كنا عايزين منك حاجة كنا كاتبناك على ورق كتير. كل اللي هقوله إن أي واحدة شايفة إن أنا غلطانة تروح تتجوزه وتعيش معه وتقرر إيه اللي هيحصل وإيه اللي مش هيحصل وهترضى بإيه ومش هترضى بإيه".