ظهرت الفنانة حورية فرغلي خلال استضافتها في برنامج (In deep)، مع الإعلامي تامر شلتوت، وكشفت عن أسرار كثيرة في حياتها المهنية والشخصية.
أبرز هذه التصريحات:
- مريت بمرحلة طفولة صعبة جداً؛ لأن والدي انفصل عن والدتي بعد ولادتي بيومين فقط، وهو الأمر الذي أثر عليا كثيراً وتسبب في تأخري في الكلام حتى سن 8 سنوات.
- أنا عمري ما قابلت حسن شاكوش بس بحب أغانيه، وزعلانة أنه طلق ريم، لو كان فيه حب جامد مكنش حصل كده، وهي بتحبه أوي وغيورة عليه، بس هو مش عايز يبان قدام الناس إنه بتاع ستات.
- مش بخاف من المقابر وادفنت مرة وأنا حية اثناء تصوير مسلسل ساحرة الجنوب، وعايزة أموت لإني عايشة لوحدي.
- ياسمين صبري، بنت جميلة، ومش محتاجة تعمل أي حاجه في شكلها، واخرت كتير شيل الرحم يمكن اتجوز واخلف لكن للأسف حالتي أجبرتني اخد قرار اجراء العملية.
- وقفت على غسل خالتي واتغسلت في غرفة نومي والكلاب مدخلتش الأوضة لمدة سنة.
- نزار الفارس طلب مني إجراء مقابلة تليفزيونية ووافقت، ولكن تفاجأت بيطلب إيدي وبيقولي، "اجبري بخاطري"، ودفع رشوة عشان يأكد خبر الخطوبة.
- مفيش عريس بيتقدم لي ومش عارفة السبب إيه، ومتهيألي لو اتجوزت مش هستحمل حد ينام جنبي على السرير، و كل فلوسي لابناء شقيقيتي بعد وفاتي.
- غلطتي إني مش محجبة ولكن بصلي وبصوم وبطلع زكاة وحجيت 7 مرات.
جدير بالذكر، أن برنامج (In Deeb في العمق)، يقدمه الإعلامي تامر شلتوت، عبر قناته الرسمية على موقع الفيديوهات الشهير يوتيوب، ويعرض يوم السبت من كل أسبوع، ويستضيف الإعلامي خلال حلقات البرنامج مجموعة من نجوم الفن، الذين يكشفون أسرار وحقائق لأول مرة عن حياتهم الشخصية.