بكى الفنان محمود عامر وهو يتحدث عن أولاده وابتعادهم عنه بعد انتشار خبر زواجه والضجة الكبيرة التي أثارها هذا الخبر.
ووجه الفنان محمود عامر العديد من الرسائل لأولاده - خلال برنامج "قعدة ستات"- تقديم الإعلامية مروة صبري على قناة "اليوم" قائلا: "متزعلوش مني لو اللي حصل شيء ضايقكم بس أنتوا أقرب ناس وعايشين معايا وعارفين إنه أنا كنت إيه أوعوا تنسوني".
وتابع الفنان محمود عامر: "أقول لإبراهيم ابني مدير التصوير ربنا يكرمك ويرزقك ببنت الحلال اللي تسعدك، محمد حبيبي في رابعة مونتاج معهد سينما نجم جميل أنا واثق تمام الثقة إنك هتقف على رجليك، وهتشرف كل العيلة، بنوتي بنت عمري أميرة ربنا يبارك في عمرك وأشوفك مطربة وملحنة قد الدنيا".
وأوضح عامر: "أنا كنت في ضياع وربنا رزقني بإنسانة رجعتني للدنيا، أشيلها على دماغي من فوق ربنا يرزقني بكل جميل أوفره لها لأنها تستحق ده، أنا فجأة لقيت نفسي وحيد، هي كانت داعم لولاها من بعد ربنا أنا كنت ضيعت، أنا جالي سكر عرضي ودخلت في فيلم غريب جدا وبرضو بفضل الله سبحانه وتعالى وبفضل وجودها معايا السكر العرضي راح".