طرح النجم أحمد كامل، ونجم الراب زاب ثروت، في تجربتهما الأولى معًا، فيديو كليب أغنيتهما الجديدة، التي تحمل عنوان "زي الجنة" على اليوتيوب، والمنصات الموسيقية الرقمية، ومحطات الراديو.
دارت فكرة التصوير، من خلال مفهوم البودكاست (podcast)، حيث ظهر كل من أحمد كامل و زاب ثروت وهما في محادثة، يحكي كل منهما تجربته للأخر.
يذكر أنه، قبل طرح الفيديو كليب، نشر "كامل" و"ثروت" لقطات من الفيديو على حساباتهما الشخصية على السوشيال ميديا، مما أثار فضول متابعيهما ومحبيهما، وتعددت الأسئلة عن هل هو لقاء فعلي في بود كاست، أم انه عمل جديد سيجمع بينهما ؟!.
أغنية "زي الجنة" كلمات وألحان أحمد كامل، وزاب ثروت، توزيع موسيقي ماهر الملاخ، إخراج يارا عياش، إنتاج شركة "جاما ميوزيك" للمنتج محمد جابر، وتقول كلماتها:
لمشاهدة الفيديو.. اضغط هنا
ده انا عينى شافت كل شئ الا العيوب
حبك ده ذنبي ومسيرى عنه يوم اتوب
واللى باقيلي بقايا منى فيها روح
وكلام اغاني مبقاش يطيب الجروح
كانت زي الجنة انسى ولا استنى كانت احلى غنوة من كل اللي اتغنى
خلصت الحكاية مش هنحكى عنها مش هتبقى معايا مش هنيجي في بالها
كانت زي الجنة انسى ولا استنى كانت احلى غنوة من كل اللي اتغنى
خلصت الحكاية مش هنحكى عنها مش هتبقى معايا و مش هنيجي في بالها
الدنيا مش بمبى وانتى مش جنبي
ولا دمعة تنزل على خدى الذنب مش ذنبي
منا عارف وعرفت الناس بتخبى نواياها يا صاحبي
فأياك تحكى او تشكى ألمك احبابك احلامك دايما ليهم خبى
عمري بيكبر والخوف اكبر شايف الغلطة هتتكرر
راهنت زمان على ناس وخسرت دلوقتي هبطل
سنين بتعدى وبنعافر يمكن انساكي ف الاخر
يمكن نتعاتب واسامح مش عارف
آه يازمن لعبت بيا والتمن دفعته لوحدى
والالم جوايا بيكبر ايه العمل
آه يازمن لعبت بيا والتمن دفعته لوحدى
والالم جوايا بيكبر ايه العمل
كانت زي الجنة انسى ولا استنى كانت احلى غنوة من كل اللي اتغنى
كانت زي الجنة انسى ولا استنى كانت احلى غنوة من كل اللي اتغنى
خلصت الحكاية مش هنحكى عنها مش هتبقى معايا و مش هنيجي في بالها