تحدثت النجمة مي كساب عن الأخبار المنتشرة حول خلافاتها في مسلسل "العتاولة" مع باقي النجوم مما دفعها للاعتذار عن عدم المشاركة في الجزء الثاني.
قالت مي كساب خلال لقاءها في راديو 9090 عبر برنامج "الراديو بيضحك": "كنا حابين بعض، ومكانش عندنا مشاكل مع بعض، وأنا كان بقالي فترة كبيرة مقررة إن محدش يستدرجني لأي مهاترات فاضية، ولو فيه أي أجواء مش بشوفها ولا بلتفت ليها، وحتى لو التفت بيكون لمدة الوقت اللي حكيت فيه، وبعدين بطنش لأني جاية بشتغل وعاوزة أعمل فن ومش فارق لي غير إني أنجح".
وتابعت: لو فيه أي أجواء مبشوفهاش ومش بلتفت ليها، وحتى لو التفت بيكون لمدة الوقت اللي حكيت فيه، وبعدين بطنش لأني جاية بشتغل وعاوزة أعمل فن ومش فارق لي غير إني أنجح، الأجواء بيننا كانت حلوة وكنا في نفس الفندق، وكنا بنقعد في الدور العشرين ومسمينه نادي النقابة، وكانت الروح الحلوة مسيطرة علينا وبنفطر مع بعض ونتسحر مع بعض ونروح التصوير ونخرج مع بعض، وقلت إني كسبت اخوات خصوصًا علاقتي بمؤمن نور ومصطفى أبو سريع وبأحمد كشك ومحمد محسن وعادل يوسف وهدى الإتربي ومنة بدر تيسير وزينب العبد وشريهان، وكلنا كنا مع أحمد السقا 24 ساعة.
ومسلسل "العتاولة" من بطولة أحمد السقا، طارق لطفي، باسم سمرة، زينة، صلاح عبدالله، مي كساب، ميمي جمال، فريدة سيف النصر وآخرين. تأليف هشام هلال، وإخراج أحمد خالد موسى، وإنتاج سيدرز آرت برودكشين.