قال خالد بيبو، مدير الكرة بالنادي الأهلي في تصريحات تليفزيونية عقب تعادل الأهلي مع إنبي في الجولة 33 ضمن منافسات الدوري المصري الممتاز، لما أوضة اللبس في الأهلي فيها مشكلة أومال "الأوض" التانية فيها ايه؟.

وتابع بيبو، اللي يزعلني ان فيه ناس تصدق مجموعة من البشر هدفها خالد بيبو عشان خالد مبيردش عليهم ، عشان خالد بيبو مبيعملش مداخلات معاهم ، عشان خالد بيبو مبيديهمش أخبار.

وأضاف خالد بيبو، أنا موظف في الأهلي ودوري هأديه لآخر دقيقة، وتحت أمر الأهلي في أي حاجة هيطلبها أنا لحم كتافي من خير الأهلي .

واختتم مدير الكرة بـ الأهلي حديثه قائلا: لو إبعاد خالد بيبو هيخلي الأهلي كويس أنا أول واحد هيمشي مفيش مشكلة، انا انبسطت وشبعت وتعبت وخدت كل خير من الأهلي .