روى الفنان محمد القس، تفاصيل اختياره في مسلسل موضوع عائلي، حيث توجه رفقة عدد من الفنانين، للقيام بعمل فني في دبي، وكان المخرج أحمد الجندي، مشيرا إلى أن علاقته ومعارفه في الوسط قليلة.
وأضاف خلال لقائه مع الإعلامية منى الشاذلي ببرنامج "معكم" الذي يذاع على قناة "ON": "في الأول قلت اسمه شبه اسم الأستاذ محمود الجندي، ومكنتش أعرف إنه ابنه، وقعدت أنا وهو وبعد ما خلصنا، قالي إنت كويس ولازم تبقى معانا، لكن حسيت إنه هيضحك عليا لكن الموضوع طلع حقيقي".
وقال: "أول ما قعدت معاه قالي في مسلسل وده هيكون دورك، وطلب مني أعمل تجربة أداء على الدور، ولما شاف، قالي أنا عاوز أعمل اللي انت عملته ده، وقالي ان المسلسل هيكون مع ماجد الكدواني، كنت هطير من الفرحة".
وتابع: "قبلها بكام يوم، كنا بنتفرج على فيلم للفنان ماجد الكدواني، وقلت لوالدتي أنا نفسي أمثل مع الراجل ده، قالتلي روح يا ابني ربنا يرزقك بالشغل معاه والدعوة اتحققت".
وقال: "مكنتش متوقع إن دي تكون البداية بتاعتي في الدراما المصري، نزلت المول، جالي ناس سلموا عليا وساعتها قعدت أعيط وأكلم ربنا، كأن ربنا بيقولي ده وقتك".