طرح المطرب الشاب عبد الرحمن رشدي، أحدث فيديو كليب لأغنية بعنوان "لسه" على اليوتيوب، والمنصات الإلكترونية، ومحطات الراديو، وهى أغنية تمثل حالة من الشجن، تحث على الأمل، والتفاؤل، وحب الحياة.
أغنية " لسه " كلمات، وألحان عبد الرحمن رشدى، وتوزيع موسيقى نوفو وعيسى أسود، ومن توزيع شركة "ديجيتال ساوند".
يذكر أن عبد الرحمن، كان قد طرح فى سبتمبر الماضى، أغنية بعنوان "إنتى القمر" وهى أغنية رومانسية، قدم من خلالها فكرة الحنين إلى الحب الغير مشروط، البعيد عن الأنانية، الذى يعيش إلى الأبد، وهى كلمات، وألحان عبد الرحمن رشدى، وتوزيع موسيقى ماهر الملاخ.. تقول كلمات أغنية "لسه":..
لسه فاضل مني حتة
لسه جوه مني كلام
لسه مستني الإجابة
لو كل حاجة هتبقى تمام
لسه قلبي في مكان
لسه بحب زي زمان
لسه في جرح قديم
بس هيروح مع الأيام
لسه العند جوَّه مني
لسه مكمل في التوهان
عارف إني لسه هوصل
لسه هوصل لأبعد مكان
يمكن بقول أي حاجة
بس ديه حاجات جوايا
مش عارف أوصفها في كلام
بس هي ديه الحكايه
وعادي وعادي وعادي
لسه كل عادي
لسه الليالي طوال
لسه الاحلام رمادي
لسه القلب مسلِّم
لسه القلب راضي
ولآخر السكه مكمل
حتي لو همشي فاضي
لسه بتعلم من الايام
لسه انا عيل في الأحلام
لسه بسكت فى وسط كلامي
بس عادي هبقي تمام
يمكن بقول اي كلام
بس ديه حاجات جوايا
مش عارف أوصفها في كلام
بس هي ديه الحكاية