احتفلت الفنانة بسنت شوقي ب عيد ميلاد الفنان علي البيلي عبر حسابها على "إنستجرام"، وكتبت في خاصية الاستوري: "كل سنة وانت طيب يا حبيب قلبي من جوه يا ابني اللي مخلفتوش، بحبك يا لولو ودايمًا مفرح كل حبايبك، ربنا يحفظك".
وكانت بسنت شوقي أثارت جدلًا واسعًا مؤخرًا بعد منشور وجهت فيه انتقادًا لاذعًا لبعض مستخدمي عبارة "الحمد لله الذي عافانا" على السوشيال ميديا، معتبرة أن البعض يستخدمها بطريقة ساخرة أو للتظاهر بالتدين دون صدق النية.
وكتبت بسنت عبر فيسبوك:"شوف يا مؤمن، من دون كل الكومنتات اللي الواحد بيقراها على السوشيال ميديا، أكتر واحدة صعبة بالنسبة لي هي: (الحمد لله الذي عافانا)، وبتبقى بعدها في أغلب الوقت الإيموجي ده. ليه بقى؟ عشان يا حبيبي أو يا حبيبتي، انت مش فاهم دينك خالص وجاي تتنطط على خلق الله، انت مش حقيقي بتحمد ربنا، انت بتتريق على الغير، والنبرة ونيتك ريحتهم فايحة."
واستشهدت آيات من القرآن الكريم قائلة:
"يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ" و*"فَلَا تُزَكُّوا أَنفُسَكُمْ ۖ هُوَ أَعْلَمُ بِمَنِ اتَّقَى"*.
وأضافت بسنت:
"عدم الابتلاء أو القرب من ربنا ده فضل من الله مش مجهود منك، فملكش تاخد credit عليه."