يمكن تكون أكبر معجزة في العلاقات الانسانية إن حد يدخل حياتك يخفف همومك يكبرك مش يكسرك..
احنا إتخلقنا مش علشان نكمل بعض زى ما معظم الناس فاهمة كده...
احنا إتخلقنا نرحم بعض نرحم ضعف إللى قدمنا ونفهم خوفه وأنطواءه ونوسع له مساحة جمبنا نوفر له مساحة أمان بدل ما نضيق عليه ونحاول ندفنه حى ..
المشاركة الحقيقية في الحياة مش أنك تسيطر وتبقي تحت الضوء لوحدك...
يمكن أبسط قواعد المنطق في العلاقات هى إنك تتعامل مع إللى قدامك بنفس الرحمة إللى بتتمناها لنفسك لأن المحبة مش أمتلاك بالعكس هى إضافة للغير بكل خير وتسيب أثر لطيف مش جرح غائر عميق.
احنا مفروض نكون مرايات لبعض مش سيوف علي بعض ..ويمكن أحلى فلسفة أنا بحبها جدا وبطبقها في علاقاتى مع الأخرين هى إن كل واحد فينا زائر مش مالك يعنى بيجى يوم يمشي ويجى غيره يضيف وياخد خير ..ويبقي مداوى مش مؤذى.
هنا بقى عندى سؤال نفس أعرف رأيكم فيه.
إيه أكثر قاعدة إنسانية أو فلسفية أتعلمتوها في علاقاتكم وغيرت طريقة نظرتكم للحب والمشاركة فى كل علاقاتكم ؟؟؟
وإيه اللى أكتشفتوه عن نفسكم لما كانت علاقاتكم صحية أو مؤذية ؟؟؟!!!