من غير مانتكلم كتير لو اسم ابوك فعلا مطر ,
يبقى المطر له معنى غير، ومطرك هنا أكبر خطر ,
والكارثه فيك أنك جبان , وناقص كتير أوى في الرجولة ,
مفيكش غير طولة اللسان ,
وفاكرها دي هي البطولة ,
هتجيب النخوة منين صحيح؟!
وكلمة ذكر في الأصل صورة ,
معتز بيه لامؤاخده أيه.. بلدك وجنسك في البطاقة ؟!.. مكتوب عليهم بس أيه؟!
طبعا سؤالي ده مش جراءة , ده سؤال خطر على بال كتير ,
وفي ناس حقيقي عايزة تعرف ,
أصل انت عار والمصري غير ,
وكل اللي بيشوفك بيقرف ,
أصل اللي فيه طبع الرخيص لا بيغلى بيه ولا عمره ينضف ,
حلو الكلام ؟!.. ولاّ نقول تانى وكمان ؟!
معتز بيه لا مؤاخذة أيه ؟! مش برضه إرهابي وجبان ,
أظن مش محتاج دليل ,
هربان وبيعادي بلاده ,
وفاتح سلاحه نهار وليل ,
في وش أخواته وولاده ,
حتى اللي شالت يوم وربّت شتمها قدام العلن ,
ماهي زي أمه ويوم ماردت ,
سابت الرباية للزمن ,
ماهو اللى مترباش في بيته.. مسير زمنه يدفّعه التمن ,
خلص الكلام.. مش باقي غير كلمة بلادي ,
تعيشي دايما وسط خير ويبعد عنك الأعادي ,
ويعيش رئيسنا ويحمى أولادك جنودك ,
وفداكي روحنا يوم ماتنادينا بعلو صوتك ,
ونهتف بلادي.