فنانو مصر والعرب فى مظاهرة تأييد للجيش والرئيس.. الجمعة

كتب: محمد عفيفي

نشرت قناة "extra news" تقريرًا مصورًا لنجوم الفن مصر، يؤكدون فيه دعمهم وتأييدهم للرئيس عبدالفتاح السيسي والقوات المسلحة، مانشدين المواطنين بالنزول بميدان الشهيد هشام بركات والمنصة بمصر الجديدة للتأكيد على دعمهم للدولة المصرية.

وأوضح  النجم محمد فؤاد، في الفيديو، "يوم الجمعة الجاية استنوني عند المنصة، هننزل نأيد الجيش المصري والشرطة المصرية والرئيس عبد الفتاح السيسي، وهغني ألبومي الجديد، مصر مش هتخرب تاني، مصر مش هتخرب تاني"،

وقال الفنان محمد نور رسالته للجمهور: "مستنيكم يوم الجمعة عشان ننزل نحتفل بالجيش المصري والرئيس عبد الفتاح السيسي .. تحيا مصر".

وعلقت الفنانة التونسية لطيفة، "إنها تعيش في مصر منذ أكثر من 25 عامًا ودّرست وتعلمت وتخرجت من مصر، وحققت نجاحات كبيرة داخل الدولة المصرية، مضيفة :" اللي مش شايف الانجازات اللي حصلت في مصر يبقى مش شايف حاجات كتير أوي ، مش شايف قناة السويس الجديدة".

وأعلن الفنان أحمد صيام، "أنا مواطن مصري عادي، لا أنتمي لأي حزب، أنا لا انتمي سوى لمصر فقط، لو اللي بره مصر جنة أنا هفضل عايش جوه مصر، بحب جيش مصر وشرطتها وقضائها ورئيسها، وبعتبر نفسي جندي من جنود مصر، هننزل إن شاء الله في ميدان الشهيد هشام بركات يوم الجمعة نقول إن مصر مترابطة ومحدش يقدر يهزها، يارب يفضل اهلها في رباط ليوم الدين".

بينما قال الفنان صبري فواز: "عيشنا تجارب كتير وشوفنا كتير الفترة الاخيرة، مش باقي إلا مصر والرهان على مصر، وإننا ينفع نختلف ونتفق زي ما نحب، بس تفضل المحروسة محروسة، باين حوالينا إن مفيش دولة فرطت وعرفت تلم نفسها تاني ".

وأكد المنشد محمود ياسين التهامي: "أنا حاليا في الامارات العربية الشقيقة وبالتحديد في مدينة ابو ظبي، أنا عشان اجي هنا ابو ظبي وعشان اروح تونس واسبانيا ولندن وفرنسا الحمد لله بفضل الله وحضرة النبي، ده كله  بفضل الجيش المصري العظيم والشرطة المصرية ".

بينما بدأ المغني الشعبي طارق الشيخ، حديثه بدعم الدولة المصرية، حيث قال "بسم الله الرحمن الرحيم لكل واحد بيجب مصر واستقرار مصر، إن شاء الله يوم الجمعة بعد العصر الساعة 4 نتجمع في ميدان الشهيد هشام بركات، تحيا مصر".

فيما قال المغني الشعبي ريكو: "كلنا نتقابل الجمعة الجاية في المنصة، عشان نقول إحنا مع رئيس مصر وتحيا مصر وجيش مصر ".