كتب: إبراهيم شرع الله
عرض برنامج "مساء DMC" المُذاع عبر فضائية "DMC" الذى يقدمه الإعلامي رامي رضوان أمس الأربعاء، مقطعا لمكالمة مسجلة بين مدير مكتب أيمن نور ، مالك قناة الشرق الإرهابية في تركيا، مع قيادي إخواني يدعى عبدالله الشريف، من أجل نشر الفوضى.
وقال مدير مكتب "نور" لعبدالله الشريف: "لازم نشتغل على السوشيال ميديا أكتر، محتاجين نشتغل على مدار الـ 24 ساعة، سواء الفيس بوك أو تويتر، سواء على الحسابات الرسمية الخاصة بيك أو الحسابات اللي إحنا اشترينها لك، عاوزين نسخن الناس أكتر، عاوزين نعمل أكبر قدر من الحشد، عاوزين نولع الدنيا".
وأضاف مدير مكتب أيمن نور، في التسريب الصوتي التحريضي: "محدش عارف الفرصة دي ممكن تتكرر تاني ولا لا، عاوزين فيديوهات تدعي الناس إنها تشارك، المرة دي لا صابت أو خابت، عاوزين نشتغل على القصور الرئاسية عشان نهيج الناس، بس بلاش استراحة المعمورة عشان عمرو أديب حرقها خلاص، عاوزين نتكلم عن استراحة العلمين".
وتساءل"عبدالله": "بس هي القصور دي بتاعته فعلا؟"، ليرد مدير مكتب أيمن نور: "بتاعته ولا مش بتاعته دي مش قصتنا، المهم الناس تولع فيه وفي قصوره"، ليعلق عبدالله: "هو ابن حلال ويستاهل كل خير".
وتابع مدير مكتب أيمن نور في التسجيل الصوتي: "المهم يا عبدالله اشتغل على القصة دي، عايزين جرعة إحباط كبيرة للناس، عايزين كل اللي يشوفها يولع في نفسه وفي البلد وفي السيسي"، ليرد عبدالله: "حاضر هي دي مش أول مرة يعني متقلقش".
https://www.youtube.com/watch?v=rg5RgY_BxMc&feature=youtu.be