كتب: محمد إبراهيم
واقعة مؤسفة شهدتها منطقة السلام، بعدما أقبل عاطل على ذبح والده بسبب خلافات عائلية بينهما ورفض والده إعطاءه الأموال من أجل شراء المواد المخدرة.، فطعن الشاب والده بسلاح أبيض "مطواة" تسببت في وفاته لتعرضه بـــ 3 طعنات نافذة بالبطن.
تفاصيل القضية بدأت بتلقى قسم السلام بلاغ، بوجود جثة "مسن" عاجز، داخل مسكنه ومصاب ب3 طعنات نافذة، على الفور انتقلت قوات الأمن لمكان الواقعة، وبتكثيف التحريات تبين أن ابن المجنى عليه وراء ارتكاب الواقعة.
وأضاف المتهم، أن والده "مسن" عاجز، يعيش على كرسي متحرك، وهو من يقوم بمساعدته وتلبية احتياجاته، موضحاً "في يوم الواقعة رجعت من بره لقيت أبويا قاعد على الكرسي بتاعه، قالي أنت راجع متأخر، وسايبنى وأنا عايز أدخل الحمام، وبدأ في وسبي، قولتله أنا عايز 50 جنيه، رفض وقالى عايز تاخد فلوس من واحد عاجز عشان تصرفها على المخدرات، وأنت مش عايز تشتغل، وأنا عاجز وبشتغل وأنا على الكرسي المتحرك".
وأشار المتهم، "نشبت بيننا مشادة كلامية وشتائم متبادلة، ولم أشعر بنفسي إلا وأنا بجيب طرف الستارة وبخنقه بيه، بقى يستغيث، ويقولي دى جزاتي عشان خايف عليك دى جزاتى أنى ربيتك، مكنتش حاسس بنفسي سبته وروحت المطبخ جبت سكينة وضربته بيها 3 مرات في صدره وقلبه ورقبته، مع أنه كان ميت معرفش عملت ليه كده لقيت الدم مغرقني، مش حاسس بأى حاجة ومش شايف قدامي أي حاجة، غيرت هدومي وخدت فلوس من ملابسه وخرجت شربت مخدرات مع أصحابي، ولما رجعت لقيت أخويا وأمى بيعيطوا وأنا جاتلي نوبة ضحك هسترية من تأثير المخدرات".
كان قسم شرطة السلام ثان، تلقى بلاغًا من أحد الأشخاص، (عامل- 32 سنة)، أنه أثناء عودته لمسكنه بمنطقة مساكن اسبيكو دائرة القسم، اكتشف مقتل والده (منجد- 65 سنة).
وعقب تقنين الإجراءات تم استهدافه وضبطه، وبمواجهته اعترف بارتكابه الواقعة، وقال المتهم أمام رجال المباحث، أن والده اعتاد توبيخه لكونه عاطلًا، وتحرر المحضر اللازم، وتولت النيابة التحقيقات.