كتب: أحمد الطوانسى
علق أمير مرتضى المشرف على قطاع الكرة بنادى الزمالك، على محمود جنش حارس مرمى الفريق، بعدما قام جنش بالإستفسار على سبب عدم تقاضيه مقدم الموسم الجديد.
ونشر أمير مرتضي على صفحته الرسمية على موقع التواصل الإجتماعى "إنستجرام"، قائلًا: " أرد عليك قدام الناس علشان حقك و حقهم يعرفوا لأنك سألتني قبل كدة ورديت عليك بيني و بينك لما جيتلك البيت ورغم ان نظام الفريق منع الكلام في الاعلام و السوشيال ميديا بس هرد عليك".
وواصل أمير :" لا السبب مش اصابتك طبعاً يا كابتن .. تقدر تسأل كل زمايلك في الفريق على مقدم الموسم الجديد حصلوا عليه ولا لأ !! جميع اللاعيبن بإستثناء اتنين لاعيبة فقط هما اللي حصلو على المقدم علشان كان عندهم ظروف طارئة يعني مثلاً فرجاني و بو طيب طارق حامد و محمود علاء و الونش و محمد حسن زيزو وعمر السعيد و عبدالله جمعة واوباما و غيرهم لسة مخدوش مقدم الموسم الجديد".
وأتبع: "اما بالنسبة للاعيبة الجديدة(الصفقات ) فالطبيعي ان يقبض المقدم مع التوقيع وفي برضه ناس لسة مقبضتش وقالو مفيش مشكلة نقبض مع زمايلنا بما انك سألت عن السبب قدام الناس فأحب اقولك ان الشركة الراعية متأخرة في دفع مستحقات كل الاندية حتى المقاصة كانت مش هتذيع الماتش بسبب مستحقاتهم تقدر برضه تسأل زمايلك في اندية تانية بإستثناء بيراميدز، و عقود الرعاية و البث التلفزيوني هي ٩٠٪ من موارد النادي".
وأكد: "كان ممكن نبيع طارق حامد او محمود علاء او فرجاني و ندخل فلوس كتير النادي و ساعتها مكانش هيكون في ازمة سيولة بس ده كان ضد مصلحة الفريق ،و كان ممكن منشتريش عواد وابو جبل و اوناجم وبن شرقي بالمبالغ دي و نجيب بدايل ارخص و نوفر برضه فلوس بالإضافة لمديونيات اكتر من ٥ مليون دولار على الزمالك اتدفعوا كلهم السنة دي ومشاكل مع الفيفا عقوبتها خصم نقاط و وقف شراء و بيع لاعيبة لمدة ٣ مواسم في حالة عدم السداد و اخرها كان من يومين".
وأختتم: " عالعموم انت من كباتن الفريق و المفترض انك تستحمل زي ما زمايلك مستحملين ايه المشكلة فلوس تتأخر كام يوم!! زي ما الموسم اللي فات كنتوا بتاخدوا ٤ و ٥ اضعاف المكافأت …بتمنالك الشفاء".
وفى نفس السياق قام الحارس جنش بالرد على أمير مرتضى منصور وقام بنشر منشور على صفحته الرسمية "إنستجرام" تعليقًا على رد أمير فى هذا الأمر.
وقال: " "لدي ظروف أيضا واتصلت بك كثيرا وطلبت من وكيلي أن يتصل بك، واتصلت بكابتن أحمد زاهر (إداري الفريق)، وجئت إلى النادي وحضرتك تركتني 6 ساعات حتى أحصل على 200 ألف جنيه، وفي النهاية حضرتك اتصلت بوكيلي وطلبت منه أن يدفع لي 150 ألف جنيه من جيبه الخاص".
وأتبع:" "وللعلم أيضا، عقدي ليس كبيرا مثل أغلب اللاعبين الذين ذكرتم أسمائهم، وعندي سؤال، هل هناك مَن استحمل النادي أكثر مما استحملت؟ هذا ليس كلامي بلك كلام حضرتك معي.. أمر آخر، من المفترض حين تعرض لإصابة أن يكون الزمالك أكثر ناد داعم لي ويقف جانبي، أليس كذلك؟".
