السيسي يوجه الجيش والشرطة باستعادة أراضي الـ 1.5 مليون آخر الشهر
السيسي يوجه الجيش والشرطة باستعادة أراضي الـ 1.5 مليون آخر الشهر
وجه الرئيس عبد الفتاح السيسى غضبه من ظاهرة وضع اليد على الأراضى المستصلحة قائلا: «لن نقبل باستمرار وضع اليد على أراضي الدولة ويجب مواجهة ذلك بالقوة»، محملاً مسئولية هذا الأمر لوزارة الداخلية والقوات المسلحة.
وأصدر السيسي حديثه للداخلية والقوات المسلحة قائلا: «آخر الشهر آخد تمام باستعادة الأراضي بالكامل واللي يتكلم على المحكمة على طول، المال ده مش بتاعي ولا بتاع الحكومة ده بتاع مصر ومش هنتساهل في حاجة مش بتاعتنا».
وتابع السيسي: «خليكوا حاسمين من فضلكم وجادين مع الناس أنا بصراحة زعلان أوي، الناس مش لاقية تاكل وده يمد إيده بالعشر فدان ويقول بتوعي والله ولا فدان واحد»، مضيفًا: «الموضوع ده تكليف للجيش ووزارة الداخلية اللي زارع أرضه نقنن وضعه واللي مش زارع ناخد الأرض».
وأضاف السيسي، منذ قليل، خلال كلمته ضمن فعاليات افتتاح عدد من المشروعات القومية بمحافظة قنا، منفعلاً: «مش هيبقى في مصر خلاص حد يقول الأراضي دي بتاعتي، لا مش بتاعتك دي بتاعة مصر ومش من حقي أديهالك»، متابعًا: «محدش ياخد حاجة مش بتاعته هي مش طابونة واللي عايز حاجة ياخدها إيه الكلام ده».