«تم تزوير 100 وصية و100 حدوته» .. أديب معلقا على حادث انتحار الشاب من أعلى برج القاهرة (فيديو)

كتب: على طه

علقت الإعلامي عمرو أديب ، على فيديو انتحار طالب من أعلى برج القاهرة المنتشر على مواقع التواصل الاجتماعي قائلا: « حادث مؤلم وحوادث الانتحار تراجيدية في حد ذاتها»، لما نيجي نتكلم لازم نفهم ونعرف هل هي ظاهرة وهل الأعداد تزيد وهل عدد المنتحرين بالنسبة لعدد السكان هو عدد مقلق؟!

وأضاف "أديب" خلال تقديمه لبرنامجه "الحكاية" على فضائية "إم بي سي مصر" اليوم الاثنين، متسائلًا: "إيه هي الأسباب اللي بتخلي الشباب تنتحر؟!" موضحًا: "للأسف قاعدين بنتكلم مع بعض وفي 2 هما اللي يقدروا يتكلموا علماء النفس وعلماء الاجتماع".

وأكد: "إمبارح تم تزوير 100 وصية للشاب المنتحر و100 حدوته ورسالة بعتها الشاب لآخرين، ودخول في موضوعات غريبة وعجيبة"، موضحًا: "ناس دخلت الموضوع في الدين وهل المنتحر يبقى كافر ولا مش كافر وناس تانيين اتكلمت عن المجتمع والأسباب الاقتصادية اللي أدت للانتحار، وناس سابوا لاتنين واتكلموا عن التربية والأهل في البيت وناس تانية قالوا السوشيال ميديا"، متسائلًا: "هل تحدث العلماء؟!".

[embed]https://www.youtube.com/watch?time_continue=11&v=lxKktd-pojs&feature=emb_logo[/embed]