الرئيس السيسي للمصريين: «الحكومة بتتحرق معايا عشان مصر متتحرقش»

كتب: إبراهيم شرع الله قال الرئيس عبد الفتاح السيسي، أن الحكومة المصرية تبذل أقصى جهد لها لحماية مصالح الوطن، قائلا: "الحكومة بتتحرق معايا عشان مصر متتحرقش وكل ما يعملوا أقولهم لسه كمان". وجه الرئيس عبد الفتاح السيسي، رسالة للشعب المصري ، خلال كلمته أثناء افتتاح عدد من المشروعات التعليمية بالإسكندرية، : "اوعى خد يضحك عليكم.. بكلام كذب وجهل.. وأقسم بالله يرقى للخيانة والتأمر.. وانا بقسم بالله.. ده تامر.. بتهدوا الدول ليه؟.. مش عاوز تساعد احنا متشكرين.. بس كمان ابعدوا عننا بشركم.. دى فيها 100 مليون.. عاوزنها تتقاتل وتتخرب.. احنا بنصلح اللى بقاله سنين متساب.. ومصرين". واستنكر السيسي، ما وصفه بمحاولات البعض للتشكيك فيما تنجزه مصر من إنجازات واصلاحات حقيقية منذ بداية حكمه، معتبرًا الأموال الضخمة التي تنفق من أجل تشوية مصر وما يحدث في الخفاء يعتبر بمثابة خيانة عظمى. وقال السيسي، إن الدول والجهات التي تمول بعض المنابر لتشويه مصر لم تحفظ الجميل التي منحته إياهم مصر قبل 100 عام، معلقًا: "هو ده رد الجميل؟!". وتابع الرئيس المصري قائلًا:" فيه دول شقيقة وقفت جنبنا وساعدتنا وحافظين ليهم الجميل، وفيه دول تانية رفضت تساعدتنا إحنا مش عاوزين منكم حاجة لكن كفوا ألسنة الكذب والتشكيك عننا". وبدأت فعاليات افتتاح الجامعة المصرية اليابانية للعلوم والتكنولوجيا، وكذلك عدد من الجامعات الأخرى الأهلية، ومشروعات لوزارتي التعليم العالي والتربية والتعليم، بحضور الرئيس عبد الفتاح السيسي وعدد من الوزراء وكبار رجال الدولة.