أحمد بدير : اللهم لك الحمد على حب الجمهور

كتب: محمد سمير  رد الفنان أحمد بدير من جديد على تصريحات الإعلامية الكويتية مى العيدان الأخيرة، التى تنمرت عليه وعلى ابنته سارة فيها. كانت مى، نشرت صورة لأحمد بدير وابنته، وعلقت: "صورة ابنة الفنان أحمد بدير.. والله طلعت بنته مزة، بنت الأقرع". وقال بدير خلال مداخلة هاتفية لبرنامج "Mbc trending": "أنا فوجئت بالأستاذة، ولا عمرى سمعت عنها، ولكن تلقيت رسائل كتيرة من أصدقائى بيقولولى ما تزعلش، فى واحدة قالت عليك كلام وتنمرت عليك، لو بتتكلم عنى أنا أحمد بدير لوحدى عادى، إنما تحط بنتى سارة فى جملة مفيدة دا بعيد عن الإعلام ومالوش دخل فى الإعلام، خاصة بنتى سارة خريجة إعلام وفاهمة تقاليد هذه المهنة الجميلة اللى كلها سمو وأخلاق". أضاف بدير: "إذا كان فى حاجة إيجابية فى الموضوع، والله كمية التليفونات التى لاتنقطع والكومنت اللى بينزل بالعكس، أنا بتمنى إن اللى بيعمل كومنتات ما يغلطش فيها، لأنها فى النهاية امرأة، إنما موضوع القضية اكتشفت إنها لها سوابق كتير مع فنانين، التليفونات اللى جاتلى من الكويت أكتر من أى دولة تانية". وتابع أحمد بدير: "أنا لما بسافر أى دولة بيقولوا عليا الفنان العربى، لأنى اتعرفت على مستوى الوطن العربى كله، عيب نسيئ أو نقلل من فنان". وأكمل: "بعدما عرفت إنى رفعت قضية بدأت فى حالة هياج غير طبيعى، وبدأت شتائم، وتبحث وتلف عشان تلاقى أى ثغرة عليا ولكن مش هتلاقى". استطرد أحمد بدير: "ربنا يسامحها ويهديها، المكسب الوحيد ليا الحب والمكالمات من جمع الدول، اللهم لك الحمد".