دار المعارف - محمد سمير
أعلنت الإعلامية بسمة وهبة عن إصابتها بشلل عضلى فى الوجه بعد تعرضها لخطأ طبى داخل أحد مراكز التجميل الشهيرة، وذلك نتيجة حقنة بوتكس وفيلر فى الفك، ما أثر على الأحبال الصوتية.
وروت بسمة وهبة تفاصيل إصابتها بالشلل العضلى فى مقطع فيديو على حسابها الرسمى بموقع التواصل الاجتماعى الشهير "إنستجرام"، قائلة "أنا من شهر كنت تعبانة جدا ومكنتش بأعرف افتح بُقى ولا بعرف أكل ولا أدخل شوكة ولا معلقة ولا حتة عيش، وبعدين كنت بالصدفة موجودة فى دبى ورحت لدكتورة شاطرة جدا وقالت لى ده ضغط عصبى وعندك شلل عضلى والعضلات فى فكك مشدودة وتحتاج علاجا طبيعيا وأدوية".
وأضافت "بسمة" "أخذت الأدوية وعملت العلاج الطبيعى وملقتش تحسن، فرحت لها تانى وقلت لها مفيش تحسن فعملت لى منظار مرة أخرى، وبعدين الست كانت مستغربة وأنا قلت لها أنا معنديش ضغوط "استرس"، وأنا عمله روشتة لنفسى مخصوصة وكل حاجة تضايقنى ببعد عنها، وكل حاجة حلوة بقرب منها، والدليل عمرى ما كنت بعمل فيديوهات على إنستجرام وسناب شات بضحك واهزر فيها".
وتابعت: "أنا مش عاملة حاجة في حياتي غير إنى أنا اضحك وبس، وإنتم عارفين أنا بحب التحدي وبحب ابقى مقاتلة، ولما رحت للدكتورة الست كانت هتتجنن من سبب تعبي وقعدت تراجع معايا لورا لحد ما افتكرت من أسئلتها إنى عملت بوتكس وفيلر من شهر وفى حقنة أخدتها فى الفك ودخلت على الأحبال الصوتية وهى اللى بوظت الدنيا كلها".
واستكملت: "هحط خط لا عايز اتكلم مين اللى عمل لى كده ولا المكان وهو مكان محترم وكويس جدا وممكن أكون حالة حصلت غلطة، عايزة أقول بس للناس تاخد بالها ويتقوا الله فينا ويكونوا حريصين وهما بيقربوا من المناطق دى، والدكتورة قالت لى مش عايزة صوتك يبقى عالى"، مختتمة: "حب الحياة هو اللي بيخلى الإنسان يتخلى عن مشاكله المرضية والصحية وحبيت احذر ولازم نحرص والناس تتقى الله فينا".
يذكر أن بسمة وهبة سافرت خلال الفترة الماضية إلى لندن لإجراء بعض الفحوصات الطبية، بعد تعرضها لوعكة صحية، حيث كشفت مؤخرا أنها تعانى من مشكلة في المعدة بالإضافة إلى نزيف، ووصفت حالتها بأنها غاية في الصعوبة وأن طبيبا إنجليزيا هو من تمكن من تشخيص حالتها.
[video width="640" height="1136" mp4="http://daralmaref.com/wp-content/uploads/2021/01/Basma-Wahba-@basma_wahba-•-Instagram-photos-and-videos.mp4"][/video]