عاجل.. إصابة مستشار وزيرة الصحة بكورونا

دار المعارف كشف المهندس أيسم صلاح، مستشار وزيرة الصحة لتكنولوجيا المعلومات، عن إصابته بفيروس كورونا المستجد. وقال صلاح، عبر صفحته الشخصية على موقع التواصل الاجتماعي "فيسبوك": "عايز أشكر كل اللى سأل عليا، لإصابتي بكورونا، سواء على واتساب أو بالتليفون أو على فيسبوك، ومقدرتش أرد عليه، لأنى مش قادر أتكلم الحمد لله، أنا ومراتى والولاد بخير، ودعواتكم إن الموضوع يعدي بخير إن شاء الله". وأضاف مستشار وزيرة الصحة: "بحمد ربنا سبحانه وتعالى على ابتلائه وقضائه، اللى دايما كله رحمة، ويمكن تكون دى فرصة، لأن الكام سنة اللى فاتت كان 95% من وقتي، مخصصه للشغل، قناعة منى إنها فرصة من ربنا، لازم أستغلها في خدمة أكبر عدد ممكن من الناس، ومساعدتهم وتطوير اللى أقدر عليه، فيمكن تكون دى فرصة، عشان أقدر أقعد مع الولاد شوية، وأعوضهم عن اللى فاتهم، وأشحن البطارية، وأرجع تاني جندي مجند في خدمة الوطن.. شكرا لكل زمايلي وأصدقائي ودعواتكم".