وجه الفنان إدوارد رسالة دعم للمخرج محمد سامي، عقب إعلان الشركة المتحدة للخدمات الإعلامية، وقف التعامل مع المخرج وكاتب السيناريو محمد سامي. وتعرض سامى لهجوم من قبل بعض زملائه من الوسط الفني وعدد كبير من الجمهور عبر مواقع التواصل الاجتماعي.
ونشر إدوارد عبر حسابه على Twitter صورته مع سامي وكتب: "ادعم المخرج محمد سامي ضد حملة التشويه اللي يقوم بها بعض الزملاء وعلشان كده بقول شهاده حق في المخرج محمد سامي أنا اشتغلت معاه واتعاملت في الشغل معاه راجل بحب شغله جدا وبيتعب كتير واتعامل معايا بكل احترام وحب وبيحب الممثل جدا".
وأضاف، "بيطلع أحسن ما عنده وعشان محدش يقول عشان أنا بشتغل معاه الناس كلها عارفه أني بشتغل معاه ومع غيره ومش مستني شغل من حد الحمد الله أنا تاريخي في السينما والدراما كبير وبشتغل مع ناس كتير دي شهادة حق بس ولازم أقولها".
وفي أعقاب القرار انتشرت تعليقات سلبية من قبل بعض الفنانين ومن قبل الجمهور أيضا تجاه الأزمة.