كشف محمد عبد الجليل، المدير الفنى للفريق الأول لكرة القدم بنادى مصر المقاصة، عن أسباب الهزيمة التى تعرض لها فريقه أمام الأهلى أمس الإثنين، بأربعة أهداف مقابل هدف.
وأجرى عبد الجليل تصريحات تلفزيونية عبر برنامج "الماتش" الذى يقدمه هانى حتحوت، الذى يبث عبر فضائية صدى البلد، قائلًا: "انا بحب العب لعب مفتوح واهاجم أيًا كان بلاعب الأهلي أو الزمالك أو البرازيل".
وأضاف: "لكن متوقعتش ان الحالة البدنية للاعبين هتقع بالشكل ده، لمايقع 7 و لا 8 لعيبة في الشوط الثاني مرة واحدة ومش قادرين يجروا في الملعب ده شيء غريب جدًا".
وواصل: "مينفعش تغلط قصاد الأهلي وده قولته للاعبين بين الشوطين، من نص فرصة هيعرف يشتغل، لو مش واقف على حيلك 90 دقيقة".
واتبع: "انا قاعد في الأتوبيس مع اللعيبة اهو وبقولهم الي مش هيضيف للفريق ويبقى مفيد الفترة الجاية مش هيكمل معايا وهياخد فلوسه في آخر الموسم عادي زي كل لاعب".
واتم: "لا أتحدث بنبرة يأس او ما شابه، انا مش أول واحد اتغلب ومش آخر واحد، لكن انا مش جاي أدرب فريق بيلعب شوط واحد بس، انا بسمع اللعيبة اهو الي مش هيدوس على نفسه ويلعب المباراة بشكل جيد مش هيكون له مكان معايا".