نشرت الفنانة منّة فضالي صورة تجمعها بوالدتها وأرفقتها برسالة مؤثرة عبر حسابها الرسمي على موقع التواصل الإجتماعى لتبادل الصور والفيديوهات "انستجرام" ،وقالت: "أمي... أغلى وأحلى وأجمل حاجة في حياتي... ربنا ما يحرمني منك أبداً، ويديكي الصحة ويشفيكي ويبعد عنك كل مرض أو وجع. ربنا يحفظ أمهاتكم جميعاً ويرحمهم لو كانوا أموات".
وتفاعلت نجمات كثيرات مع منشور فضالي من خلال التعليقات، وعلى رأسهن: ريم البارودي، أمل عرفة، نرمين ماهر، ورانيا محمود ياسين.
وكانت منه فضالى قد فوجئت بهجوم البعض عليها خلال الأيام الماضية، بسبب رسالة وجّهتها عبر حسابها في "إنستغرام" لياسمين عبد العزيز، وكتبت فيها: "ربنا يشفيكي ويخف من عليكي، صحيح إحنا مش صحاب ومعرفكيش، بس أحنا زملاء، ربنا يقوّمك بالسلامة"... وانتقد البعض تعبيرها "إحنا مش صحاب ومعرفكيش" .
وسارعت فضالي لتوضيح ما قصدته بكلامها هذا والردّ على الهجوم قائلةً: "للتوضيح لكل الناس لما كتبت ماعرفش ياسمين... يعني ماعرفهاش معرفة شخصية... مين مايعرفش ياسمين؟ مش فاهمة... يا ريت يكون فيه عقل يا جماعة ومش صحاب أيوة فعلاً"... وأضافت: "قُلت زملاء... إيه الغلط في كلامي مش فاهمة؟ الدنيا انقلبت ليه؟ الواحد يكتب حاجة تقولوا بنتلزق وتريند وزفت... مانزلش تشتمونا، ليه كده ليه؟ عموماً مش أنا اللي غلطانة في التعبير، بالعكس أنا ماغلطش فيها، قبل ما تكون نجمة دي مريضة... أنتم إيه ربنا يسامحكم".