أعربت الإعلامية إيمان الحصرى، عن شكرها لكل من ساندها فى فترة مرضها بالدعاء، قائلة: "لولا الدعاء الصادق مكنتش هبقى موجودة دلوقتى".
وكتبت إيمان، عبر حسابها الشخصى على موقع التواصل الاجتماعى "فيسبوك"، اليوم الإثنين: "أول مرة أكون قادرة إنى أكتب على ال فيسبوك من شهور، والله مش عارفة أقولكم إيه على كم الاهتمام والدعم والحب اللى شوفته وسمعته وقريته فى كل كلمة وكل دعوة من القلب، الدعاء الصادق، اللى لولاه مكنتش هبقى موجودة دلوقتى، ناس كتير أوى نفسى أكلمها وأقولها شكرًا".
وتابعت: "شكرًا بجد، حبكم ومساعدتكم ودعائكم ومشاعركم الطيبة وصلت ودائما كانت وما زالت بتهون عليا، إن شاء الله عندى ثقة كبيرة إنى هعدى التجربة الصعبة دى على خير، لأن الحقيقة ما زلت فيها لسه مخرجتش، ولسه محتاجة.. دعواتكم".