دشن النجم حسين فهمى، صفحات خاصة تحمل اسمه على كل المواقع، وذلك من خلال فيديو نشره عبر حسابه بموقع "انستجرام"، يؤكد دخوله هذا العالم بسبب استغلال اسمه بطريقة خاطئة، كاشفا عن حساباته على كل المواقع ، وبداية اقتحامه للسوشيال ميديا .
وقال حسين فهمي في الفيديو :" أنا كنت طول عمري بعيد عن السوشيال ميديا، وكنت بعتبر دا عالم افتراضي بعيد عننا، وإنه عالم مش واقعي لكن للأسف الشديد في الفترة الأخيرة اكتشفت إن فيه ناس كتير بتتكلم باسمي وبتقول معلومات غلط".
وأضاف قائلا :"فيه معلومات كتير أوي مكتوبة عني غلط، وفيه ناس بتستفيد من اسمي|، ولقيت أصدقاء ليا بتقول بعتنالك وتابعناك، وانت قولت ومقولتش، الحقيقة إن الحكاية زادت فأنا قررت إن أخش في السوشيال ميديا بكل ما فيها من حسنات وسيئات وأتقبل مصيري وأستحمل ما دام فضلت فترة بعيدة فيستحسن أقرب".
وتابع: "أنا فعلا مكنش ليا حساب وناس كتير استغلت اسمى، فأنا النهاردة هيبقي عندى حساب وهقولكوا عليه علشان تتابعونى عليه، وهو بيتوثق دلوقتى، ومن فترة قريبة جدا هبقي موجود هتكلم معاكو فى حاجات كتير أوى، لأن عندى حاجات كتير أوى احكيها عن زكريات، سواء فى ال فن أو التاريخ أو الفلسفة هنتكلم فى أى حاجة عايزين تتكلموا فيها".
View this post on Instagram
A post shared by Hussein Fahmi | حسين فهمي ⭕ (@hussein.fahmi.official)