توفي منذ قليل، الكاتب الصحفي أيمن عبد التواب، حيث نشر عدد كبير من أصدقائه الخبر على صفحات السوشيال ميديا.
ونشر إبراهيم الديب أحد أصدقاء عبر صفحته الخاصة "فيس بوك" وصية الراحل أيمن عبدالتواب الأخيرة، قائلا: "لاحول ولا قوة الا بالله.. الله يرحمك ويغفر لك ويصبرنا على فراقك".
وتابع: "لكل أصدقاء واحباب الغالي أيمن عبد التواب كان ليه وصية وطلب مني أنشرها حين لقاءه بربه وطلب إن أصدقائه ينفذوها".
وجاءت وصية أيمن عبدالتواب التى نشرها "الديب"، كالتالي:
"هطلب منك طلب، وعارف إنك راجل وهتنفذه أنا لو مت في القاهرة مش عاوز حد من الزملاء وحبايبنا يكلف نفسه ويطخ المشوار لغاية البلد "ميت أبو الكوم"؛ عشان يوصلني لمثواي الأخير.. أنا مش هكون مرتاح لو حد تعب في السفر عشان يمشي في جنازتي، ويحضر الدفنة، ويعزي أهلي.. مفيش داعي لـ"الشحططة".. عاوزك، أول ما تعرف خبر وفاتي، تنشر الوصية دي على صفحتك وصفحتي.. عشان الناس تعرف وتنفذ وصيتي.. وكمان عشان أهلي يعرفوا سبب عدم حضوركم للبلد عشان الجنازة، بدل ما يقولوا إنكم «منايفة».
وتابع أيمن عبدالتواب فى الوصية: "عاوزك كمان تسامحني، واطلب من الناس تسامحني.. وخليهم يدعولي.. ويفتكروني بالحاجات الحلوة إللي حصلتلهم معايا، ويضحكوا.. ربنا يديم عليهم الضحكة الحلوة".. طبعا أنت مؤمن.. وعارف إن لكل أجل كتاب.. ولا تدري نفس بأي أرض تموت.. على فكرة أنا كويس بس محدش ضامن روحه.. ودي وصيتي، بعتها لأكتر من حيبب وعزيز عليا.. وعاوزك تبقى تعمل بيها، وتبلغ زمايلنا وحبايبنا بيها".
واختتم أيمن عبدالتواب، وصيته: "وبعدين يا أخي مش عاوز أشوف وشكم في رحلتي الأخيرة.. حاسس لو شفتكم في الجنازة ممكن أضحك وشكلي هيبقى وحش.. مش عاوز أتكلم في الموضوع ده تاني.. وعارف إنك راجل على ما تفرج".
