نشر الفنان حسن الرداد، عبر حسابه الشخصي، بموقع "فيس بوك"، صور تجمعه بزوجته إيمي سمير غانم، وعلق عليها: "مافيش أصعب من فقدان أعز الناس لأى حد، وفقدان الأب والأم مرة واحدة أصعب صدمة ممكن الواحد يتعرض لها فى حياته".
وأضاف الرداد في رسالته، "لازم يصبرك عشق الجمهور لوالدك النجم الكبير اللى عشقته ملايين الناس فى الوطن العربى كله ووالدتك الفاضلة اللى أعمالها فى الخير ومساعدتها لكل محتاج يشهد عليها كل الناس، إن شاء الله يا حبيبتى ربنا يصبرك و ترجع ضحكتك الحلوة تانى تنور الدنيا وترجعى لشغلك و جمهورك الكبير المحترم يا احلى زوجة و أجمد كوميديانة فى مصر كلها".
الجدير بالذكر، عودة الرداد لاستئناف تصوير فيلمه الجديد، "تحت تهديد السلاح"، الذى توقف فترة بسبب الظروف، التي مر بها حسن الرداد، من فقدان النجمين سمير غانم، ودلال عبدالعزيز.