فيفي عبده: كنت فاكرة الناس بتخلف من الركب.. إيه البجاحة دي

كشفت الفنانة فيفي عبده الكثير من الأسرار في حياتها الشخصية، لافتة إلى أن تربية والدتها كانت قاسية للغاية، فكانت تضربها بالكرباج السوداني.

وأضافت فيفي، خلال حوارها مع الإعلامية وفاء الكيلاني، في برنامج "السيرة" عبر شاشة dmc: لما أبويا اتجوز على أمي بقيت هي الست والراجل، كان قلبها بيتقطع علشان ست خدتها من أبويا، كانت بتضربنا أنا وأخواتي بالكرباج السوداني.

وتابعت: مرة لما رجعت من برة لقيتها ضاربة أختي ومكتفاها بعنف فظيع، اضطريت أفك أختي اترزعت حتة علقة، مع إني كنت طيبة أوي مش نمرودة أي حاجة بقبل بيها.

واستكملت الراقصة الاستعراضية: أمي ماكنتش تقعدنا مع ناس كبار بيتكلموا، وأنا عندي 10 سنين ما كنتش عارفة أسألها إحنا جينا إزاي، ولحد ما اتجوزت كنت فاكرة الناس بتخلف من ركبها، هي فهمتنا كده، ماكنش فيه البجاحة اللي موجودة دلوقتي، ما كنش فيه الميديا زي دلوقتي.