علق الإعلامي عمرو أديب على تعطل تطبيقات فيسبوك» و الوتس وإنستجرام، بعدما اشتكى عدد من المستخدمين للتطبيق حول العالم، من بينها مصر، من عدم القدرة على فتح التطبيقات، قائلًا: فيسبوك ممكن تستنى شوية، ال إنستجرام مش لازم تشوف صور النهاردة، وتشوف مين لابس إيه وقالع إيه، لكن الواتس آب عامل مشكلة للبشرية.
وأضاف أديب، خلال تقديمه برنامج «الحكاية»، الذي يُعرض على شاشة «إم بي سي مصر»، أنه سيسرد بعض الانطباعات لمواطن يعيش في دولة نامية، أو كما يُقال عليها دول العالم الثالث، مضيفًا: عندي بعض الملاحظات الجانبية، رقم واحد إحنا بنكتشف كل يوم أن الغرب ده نمر من ورق، اكتشفنا ده وقت فيروس كورونا المستجد، والآن نكتشفه وقت المأساة اللي حصلت دلوقتي في وسائل التواصل الاجتماعي.
وأوضح الإعلامي أن الغرب يرسمون الخوارزميات والخوادم والاختراعات والذكاء الاصطناعي، ويدعون أنهم «مشغلين العالم»، مضيفًا: وفجأة بخ، ده يوم القيامة الإلكترونية، أنتم الآن تشاهدون بروفة ليوم القيامة الإلكتروني، كنا بنشوف الحاجات دي في أفلام الخيال العلمي، الفيشة اتشدت ومافيش حد عارف يعمل أي حاجة.