حلت الفنانة ياسمين عبد العزيز وزوجها الفنان أحمد العوضي مساء اليوم الأربعاء 8 ديسمبر، ضيوف على برنامج "معكم مني الشاذلي"، الإعلامية مني الشاذلي، عبر قناة سي بي سي.
تحدثت الفنانة ياسمين عبد العزيز في الجزء الأول من اللقاء لأول مرة عن تفاصيل محنتها الصحية، حيث قالت :"في يوم عرفة كل الناس دعتلي، وكل اهلي قلولي متسبيناش، واحمد قالي هتكملي".
وأضافت: "بعد عرفة بقيت بنادمة تانية، وبقيت بتكلم، انا واحدة كنت بموت وربنا سخر الناس إنها تدعيلي، وربنا رد فيا الروح، وببص وانا ف الاوضه لقيت معدتي برا، ودي بسبب العملية بطني اتخرمت، ولقيت الأمعاء برا بطني، واتعاملت معاها وهما بينضفوا ويعملوا، وأنا تعايشت معاها".
وتابعت: "حصلت حاجة غريبه لمدة شهر ولا بضحك ولا بعيط كنت قاعده عندي صدمة، كنت داخلة أعمل عملية ساعاتين ونص بقيت ف ليلة تانية".
واختتمت: "بعد ما سفرت، افتكرت حاجة، قبل ما أدخل عملية ، اتبعتلي مسدچ التربي بعتلي لأول مرة في حياتي، وأنا بحب أروح الترب، وبتعامل معاها أنها بيتي التاني، وبعتلي فيديو بيجهز لي التربة، وركبنا لك كشاف".